1 Korintobi 3:18 - BAIBLO ALOO NGMAMI KLƆUKLƆU Ɔ

¹⁸ Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

Somi He Ɔ

¹⁸ Nyɛ ti nɔ ko nɔ ko ko mlɔɔ lɛ nitsɛ e he. Ke nɔ ko susu kaa ni lelɔ ji lɛ ngɛ nyɛ kpɛti ngɛ je nɛ ɔ mi ɔ, e pee e he kuasia, konɛ e plɛ ni lelɔ.

1 Korintobi 3:18 ပူးပေါင်းရင်းမြစ်များ

Abɛ Womi 3:5

Ngɔɔ o hɛ ngɔ fɔ Yawɛ nɔ kulaa. Koo ngɔ o hɛ ngɔ fɔ nɔ́ nɛ moo o susu kaa o le ɔ nɔ.

Yesaya 5:21

Musu tloo nyɛ! Nyɛ susu kaa nyɛ hɛ mi tɛ, nɛ nyɛ le ní saminya.

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.

Yakobo 1:22

Nyɛ ko sisi nyɛ he kaa nyɛ maa bu munyu ɔ tue kɛkɛ; mohu nyɛɛ pee munyu ɔ nɔ yeli.

Luka 18:17

Niinɛ, i ngɛ nyɛ dee ke, nɔ tsuaa nɔ nɛ he we Mawu matsɛ yemi ɔ kaa jokuɛ nyafii ɔ, e be mi sɛe kulaa.”

Mateo 18:4

Nɔ tsuaa nɔ nɛ baa e he si kaa jokuɛ nɛ ɔ, lɛ ji nɔmlɔ nguaa pe kulaa ngɛ hiɔwe matsɛ yemi ɔ mi.

Marko 10:15

I ngɛ nyɛ dee anɔkuale mi ke, nɔ tsuaa nɔ nɛ he we Mawu matsɛ yemi ɔ kaa bɔ nɛ jokuɛ nyafii maa pee ɔ, e be mi sɛe kɔkɔɔkɔ.”

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

1 Korintobi 4:10

Kristo he ɔ, wa plɛ kuasiahi, se nyɛɛ lɛɛ nyɛ ba pee ní leli! Wa gbɔjɔ, se nyɛɛ lɛɛ nyɛ he mi ba wa nyɛ! Nyɛ hɛ mi ba nyami, se wɔɔ lɛɛ wa hɛ mi pue si.

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Abɛ Womi 26:12

Ke nɔ ko buu e he ní lelɔ, nɛ pohu e li nɔ́ ko ɔ, hɛ nɔ kami ngɛ ha kuasia po pe lɛ.

Abɛ Womi 3:7

Koo bu o he ní lelɔ; moo ye Yawɛ gbeye, nɛ o tu yayami nya fo.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie; nɛ Mawu we anɔkuale ɔ be wa mi.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

Galatabi 6:7

Nyɛ ko sisi nyɛ he. Mawu ɔ, a yi e he fɛu. Nɔ́ nɛ nɔmlɔ du ɔ, lɔ ɔ nɔuu e ma kpa.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

Romabi 12:16

Bɔ nɛ nyɛ maa pee kɛ ha nɔ kake ɔ, nyɛɛ pee ja kɛ ha nɔ tsuaa nɔ. Nyɛ ko wo nyɛ he nɔ, se mohu nyɛɛ kɛ ni nɛmɛ nɛ baa a he si ɔ nɛ bɔ; nɛ nyɛ ko bu nyɛ he ní leli tsɔ.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Abɛ Womi 5:7

Lɔ ɔ he ɔ, ye bimɛ, nyɛɛ bu tue, nɛ nyɛ hɛ ko je munyuhi nɛ i kɛ nyɛ ngɛ tue ɔ a nɔ.

Yeremia 37:9

Imi Yawɛ i ngɛ nyɛ dee ke nyɛ ko sisi nyɛ he; nyɛ ko susu kaa Babilonia bi ɔmɛ be kpalee kɛ ba hu. A maa ba kokooko!

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

1 Korintobi 3:17

Ke nɔ ko puɛ Mawu sɔlemi we ɔ, Mawu ma kpata e hɛ mi. Ejakaa Mawu sɔlemi we ɔ ngɛ klɔuklɔu, nɛ nyɛ ji sɔlemi we ɔ nɛ.