1 Korintobi 3:17 - BAIBLO ALOO NGMAMI KLƆUKLƆU Ɔ

¹⁷ Ke nɔ ko puɛ Mawu sɔlemi we ɔ, Mawu ma kpata e hɛ mi. Ejakaa Mawu sɔlemi we ɔ ngɛ klɔuklɔu, nɛ nyɛ ji sɔlemi we ɔ nɛ.

Somi He Ɔ

¹⁷ Ke nɔ ko puɛ Mawu sɔlemi tsu ɔ, Mawu ma puɛ lɛ. Ejakaa Mawu sɔlemi tsu ɔ ngɛ klɔuklɔu, lɔ ɔ ji nyɛ.

1 Korintobi 3:17 ပူးပေါင်းရင်းမြစ်များ

Ezekiel 43:12

Mlaa nɛ kɔɔ imi Yawɛ ye we ɔ he ji nɛ ɔ nɛ: yo ɔ yi mi tsuo kɛ bɔle si kɛ kpe ɔ maa pee he klɔuklɔu pe kulaa.”

Ezekiel 7:22

Ke a ngɛ ye we ɔ june blee po, i be a nya tsie; juli ma nyɛ maa sɛ mi ya ble lejɛ ɔ faa.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Mose IV, 19:20

“Nɔmlɔ nɛ ble e he, se e julaa we e he ɔ, mu ngɛ e he, nɛ e he tsɔ we; ejakaa a kɛ nyu nɛ a kɛ fɔɔ nɔ he yayami ɔ pue we e nɔ. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.

La 79:1

Mawu, ma je li ɔmɛ ba tua o zugba a. A ble o we klɔuklɔu ɔ, nɛ a pee Yerusalem ma doku.

Mose III, 20:3

Ke nɔ ko ngɔ e bi kɛ ha Molek, nɛ e kɛ nɔ́ nɛ ɔ ble ye bo tsu klɔuklɔu ɔ, nɛ e kɛ puɛ ye biɛ klɔuklɔu ɔ, ye hɛ maa dɔ kɛ wo jamɛ a nɔ ɔ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Yesaya 64:11

Wa sɔlemi we klɔuklɔu saminyayoo, he nɛ wa nɛmɛ ɔmɛ je o yi ngɛ ɔ, a kɛ la sã, nɛ a kpata hehi nɛ ngɛ fɛu ɔ tsuo a hɛ mi.

Mose III, 15:31

Yawɛ de Mose ke e slɔ Israel bi ɔmɛ ngɛ a he nɛ tsɔ we ɔ he, konɛ a ko ble Yawɛ kpe he bo tsu ɔ ngɛ ma a sito he ɔ. Ke pi ja a, a ma gbo.

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Mose I, 28:17

E tsui po, nɛ e de ke, “Hiɛmɛ nɛ ɔ ngɛ gbeye! Mawu we ji hiɛ ɔ nɛ, tsa pi he kpa ko; hiɔwe agbo ɔ ji nɛ ɔ nɛ.”

La 99:9

Nyɛ je Yawɛ, wa Mawu ɔ yi; nyɛ ja lɛ ngɛ e yo klɔuklɔu ɔ nɔ. Yawɛ, wa Mawu ɔ ngɛ klɔuklɔu.

La 93:5

Yawɛ, o mlaa amɛ ngɛ kɛ yaa neneene; klɔuklɔu peemi sa o we ɔ daa.

Kronika I, 29:3

Ngɛ ní nɛ ɔmɛ kulaa a se ɔ, i ngɔ imi nitsɛ ye sika hiɔ, kɛ sika tsu ngɔ ha, ejakaa i suɔ Mawu we ɔ.

Zefania 3:4

Gbali ɔmɛ ɔ, biɛ kɛkɛ lɛ tsɛɛ mɛ; lakpatsɛmɛ sɔuu ji mɛ. Osɔfo ɔmɛ plɛɔ mlaa amɛ a hɛ mi kɛ buɔ si bɔ nɛ maa da mɛ, nɛ a bleɔ níhi nɛ a ngɛ klɔuklɔu ɔ.

La 74:3

Moo nyɛɛ kɛ ya he nɛ plɛ pee we doku ɔ; he nyɛli ɔmɛ kpata níhi tsuo a hɛ mi ngɛ o we ɔ.

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.