1 Korintobi 3:16 - BAIBLO ALOO NGMAMI KLƆUKLƆU Ɔ

¹⁶ Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

Somi He Ɔ

¹⁶ Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo?

1 Korintobi 3:16 ပူးပေါင်းရင်းမြစ်များ

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

Yohane 14:17

Lɛ ji anɔkuale mumi nɛ tsɔɔ nihi bɔ nɛ tutuutu nɛ Mawu ngɛ ɔ. Je mi bi ɔmɛ ngɔɛ lɛ, ejakaa a nɛ́ lɛ, nɛ a li lɛ hulɔ. Se nyɛɛ lɛ nyɛ le lɛ, ejakaa e kɛ nyɛ ngɛ, nɛ e ngɛ nyɛ mi.

Romabi 6:16

Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

Romabi 6:3

Anɔkuale mi ɔ, wa le kaa wɔ nihi abɔ nɛ a sɔle wɔ kɛ wo Kristo Yesu mi ɔ, wa gbo kaa bɔ nɛ Kristo ɔ gbo ɔ.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

1 Korintobi 3:17

Ke nɔ ko puɛ Mawu sɔlemi we ɔ, Mawu ma kpata e hɛ mi. Ejakaa Mawu sɔlemi we ɔ ngɛ klɔuklɔu, nɛ nyɛ ji sɔlemi we ɔ nɛ.

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

1 Korintobi 5:6

E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

1 Korintobi 6:16

Anɛ nyɛ li kaa nɔ nɛ kɛ yaholɔ ya naa bɔmi ɔ, e kɛ lɛ plɛ pee nɔmlɔ tso kake lo? Kaa bɔ nɛ ngmami ɔ deɔ ɔ, “Mɛ ni enyɔ ɔmɛ tsuo ma plɛ pee nɔmlɔ tso kake.”

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

1 Korintobi 9:13

I heɔ yeɔ kaa nyɛ le kaa nihi nɛ tsuɔ ní ngɛ sɔlemi we ɔ, sɔlemi we ɔ a naa a nya mi ngma kɛ jeɔ. Ni nɛmɛ nɛ a ní tsumi ji kaa a sã bɔ ngɛ bɔ sami la tɛ ɔ nɔ ɔ, mɛ hu níhi nɛ a kɛ ba sã bɔ ɔ eko a yeɔ.

1 Korintobi 9:24

Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

2 Timoteo 1:14

Mumi Klɔuklɔu ɔ nɛ ngɛ wa mi ɔ, é wo mo he wami, konɛ ní kpakpahi nɛ a tu ngɔ wo o dɛ mi ɔ, o bu he.

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

1 Yohane 4:12

Mawu ɔ, nɔ ko nɛ lɛ hyɛ. Se ke wa suɔ wa sibi ɔ, Mawu hii wa mi, nɛ suɔmi nɛ e ngɛ kɛ ha wɔ ɔ mi waa.