1 Korintobi 3:1 - BAIBLO ALOO NGMAMI KLƆUKLƆU Ɔ

¹ Nyɛmimɛ, anɔkuale mi ɔ, i nyɛ we nɛ i kɛ nyɛ nɛ tu munyu kaa bɔ nɛ i kɛ nihi nɛ mumi ɔ ngɛ a mi ɔ tuɔ munyu. Se mohu, i kɛ nyɛ tu munyu kaa je mi bi, aloo bimwɔwi ngɛ Kristo jami mi.

Somi He Ɔ

¹ Mamimɛ, i be nyɛe nɛ i kɛ nyɛ maa tu munyu kaa mumi mi nimli, se mohu kaa he lo mi nimli, kaa bimwɔwi ngɛ Kristo mi.

1 Korintobi 3:1 ပူးပေါင်းရင်းမြစ်များ

Mateo 16:23

Se Yesu plɛ e he nɛ e de Petro ke, “Jee ye nɔ kɛ ya se, Satan! O ngɛ ye nane kpatae. Ejakaa juɛmi nɛ ngɛ o yi mi ɔ, pi Mawu ngɔ nɛ e je, se nɔmlɔ adesa.”

Romabi 7:14

Wa le kaa mlaa a mumi mi nɔ, se imi lɛɛ nɔmlɔ adesa kɛkɛ ji mi, nɛ yayami he mi nyɔguɛ.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

1 Korintobi 14:37

Ke e peeɔ nɔ ko kaa gbalɔ ji lɛ, aloo kaa e ngɛ mumi mi nike ní ko ɔ, e na nɛ e le kaa níhi nɛ i ngɛ nyɛ ngmae nɛ ɔ, Nyɔmtsɛ ɔ biɛ mi i ngɛ ngmae ngɛ.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

Hebribi 5:13

Nɔ tsuaa nɔ nɛ ngɛ nyɔ pupɔe ɔ, bimwɔyo ji lɛ kɛ mwɔɔ, nɛ e li nɔ́ ko ngɛ nɔ́ nɛ da he.

1 Yohane 2:12

Ye bimɛ tsɔwi, i ngɛ nyɛ womi nɛ ɔ ngmae, ejakaa Kristo he ɔ, a ngɔ nyɛ he yayami ɔmɛ ngɔ pa nyɛ.