1 Korintobi 2:5 - BAIBLO ALOO NGMAMI KLƆUKLƆU Ɔ

⁵ bɔ nɛ pee nɛ nyɛ ko ngɔ nyɛ hemi kɛ yemi ngɔ fɔ adesa nile nɔ, se mohu Mawu he wami nɔ.

Somi He Ɔ

⁵ benɛ pee nɛ nyɛ hemi kɛ yemi ɔ ko da nimli a nilemi nɔ, se mohu e da Mawu hewami nɔ.

1 Korintobi 2:5 ပူးပေါင်းရင်းမြစ်များ

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

1 Korintobi 1:17

Kristo tsɔ we mi ke ma ba sɔle nihi. E tsɔ mi ke ma ba fiɛ sane kpakpa a; pi kɛ nya mi dɔkɔɔ, kɛ adesa nile, konɛ gbenɔ nɛ Kristo gbo ngɛ sɛumi tso ɔ nɔ ɔ kó pee yaka.

1 Korintobi 3:6

Imi lɛ i ba ma tso ɔ. Apolo ba pue nɔ nyu, se Mawu lɛ ha nɛ tso ɔ wa.

2 Korintobi 12:9

Se e he nɔ ke, “Dloomi nɛ i kɛ ha mo ɔ, lɔ ɔ kɛkɛ hiɛ ha mo; ejakaa ye he wami ɔ tsuɔ ní wawɛɛ ngɛ nihi nɛ gbɔjɔ ɔ a mi.” I suɔ saminya nɛ ma fĩa kaa i gbɔjɔ, konɛ ma na kaa Kristo he wami ɔ ngɛ ye he bue.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

2 Korintobi 6:7

anɔkuale munyu tumi, kɛ Mawu he wami nɛ ngɛ ní tsue ngɛ wa mi ɔ tsɔɔ kaa Mawu tsɔli ji wɔ. Wa peeɔ nɔ́ nɛ da, nɛ lɔ ɔ ji wa ta hwumi ní nɛ waa hɛɛ hiɔ kɛ muɔ nɛ wa kɛ faa wa he.