1 Korintobi 2:4 - BAIBLO ALOO NGMAMI KLƆUKLƆU Ɔ

⁴ Ní nɛ i tsɔɔ, kɛ sɛ gbi nɛ i fiɛ ɔ hu, pi nile munyu nɛ plɛɔ nɔ yi mi nɛ i tu. Se mohu Mawu Mumi ɔ, kɛ he wami ɔ lɛ tsu ní nɛ ɔ,

Somi He Ɔ

⁴ nɛ ye munyu kɛ ye sanefiɛmi ɔ hu ji nimli a nilemi munyuhi nɛ plɛɛ nɔ yi mi mi, se mohu e je mumi kɛ hewami tsɔɔmi mi,

1 Korintobi 2:4 ပူးပေါင်းရင်းမြစ်များ

1 Korintobi 4:20

Ejakaa Mawu matsɛ yemi ɔ jeɔ e he kpo ngɛ adesa ní tsumi mi, se pi munyu tumi mi.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

1 Korintobi 1:17

Kristo tsɔ we mi ke ma ba sɔle nihi. E tsɔ mi ke ma ba fiɛ sane kpakpa a; pi kɛ nya mi dɔkɔɔ, kɛ adesa nile, konɛ gbenɔ nɛ Kristo gbo ngɛ sɛumi tso ɔ nɔ ɔ kó pee yaka.

1 Korintobi 2:1

Ye nyɛmimɛ, benɛ i ba slaa nyɛ, nɛ i kɛ Mawu laami sane ɔ ba ha nyɛ ɔ, i fiɛ we kɛ nya mi ngɔngɔɛ, loo nile.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

1 Korintobi 2:13

Lɔ ɔ he ɔ, nihi nɛ mumi ɔ ngɛ a mi ɔ, ke waa kɛ mɛ ngɛ mumi mi níhi a he ní sɛɛe ɔ, munyu nɛ mumi ɔ tsɔɔ wɔ ɔ, lɔ ɔ wa tuɔ; wa tu we adesa nile munyu.

Kolosebi 2:4

I ngɛ nyɛ enɛ ɔ dee, konɛ nɔ ko kɛ nyami ngɔngɔɛ munyu ko kó ba sisi nyɛ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Ezekiel 13:6

Yakayaka ninahi a naa, nɛ lakpa sɔuu a yeɔ. A deɔ ke Yawɛ sɛ gbi a hɛɛ ɔ nɛ, pohu i tsɔ we mɛ. Se kɛ̃ ɔ, a hyɛɛ blɔ kaa níhi nɛ a de ɔ maa ba mi.

Abɛ Womi 7:21

Yo nɛ ɔ kɛ e nya mi munyu ngɔngɔɛ ɔ gbe niheyo ɔ yi mi hluu kɛ ya si e nine su niheyo ɔ nɔ.

Ni Tsumi 26:28

Agripa de Paulo ke, “Be kpiti nɛ ɔ mi ɔ, anɛ o susu kaa o ma nyɛ plɛ ye yi mi nɛ ma pee Kristo se nyɛɛlɔ lo?”

Manyadali 16:5

Filisti matsɛmɛ ɔmɛ ba yo ɔ ngɔ, nɛ a ba de lɛ ke, “Moo gbe Samson yi mi nɛ e tsɔɔ mo he nɛ e naa e he wami kpetekpleenyɛ ɔ kɛ jeɔ, kɛ bɔ nɛ wa maa pee nɛ wa nine maa su e nɔ, konɛ waa fi lɛ, nɛ waa jɔɔ e he. Wa ti nɔ tsuaa nɔ ma ha mo sika hiɔ akpe kɛ e nya lafa.”

Manyadali 14:15

Ligbi nɛ ji eywiɛ ɔ, a ya nɛ a ya de Samson yo ɔ ke, “Moo gbe o huno ɔ yi mi nɛ e tsɔɔ wɔ ajo ɔ sisi; ke pi ja a, wa maa mɛ o tsɛ we ɔ he la, nɛ wa maa sã mo, kɛ o we ɔ tsuo. Pe nyɛ je blɔ kpee wɔ kɛ ba hiɛ ɔ nɛ nyɛ ba pee wɔ posoposo?”

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Abɛ Womi 20:19

Nɔmlɔ nɛ e lilɛ hwɔ we si, nɛ e hii nihi a he munyu tue kɛ hii nyɛɛe ɔ, jeɔ laami sanehi kpo. Nɔ nɛ tuɔ munyu puu kikɛ nɛ ɔ, o kɛ lɛ ko bɔ.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

2 Korintobi 6:6

Waa kɛ subai kpakpa, nile nɛ mi kuɔ, tsui si tomi, mi mi himi, klɔuklɔu peemi ngɛ mumi mi, anɔkuale suɔmi,