1 Korintobi 2:3 - BAIBLO ALOO NGMAMI KLƆUKLƆU Ɔ

³ Lɔ ɔ he ɔ, be mi nɛ i ba nyɛ ngɔ ɔ, ye nɔmlɔ tso ɔ gbɔjɔ, nɛ sawale ha nɛ ye he ngɛ doe blibliibli.

Somi He Ɔ

³ Nɛ i kɛ nyɛ hi si ngɛ gbɔjɔmi kɛ gbeyeyemi kɛ hedomi babauu mi;

1 Korintobi 2:3 ပူးပေါင်းရင်းမြစ်များ

Yesaya 19:16

Be ma nɛ Egipt bi ɔmɛ maa pee a he fɔ̃li kaa yihi. Ke a na kaa Yawɛ Tabohiatsɛ ɔ miɔ nɛ e kɛ e he wami ɔ maa gbla a tue ɔ, a he ma bɔni domi blibliibli.

Ni Tsumi 17:1

Paulo kɛ Sila pue nɔ kɛ ya gu Amfipoli kɛ Apolonia, nɛ a ba Tesalonika, he nɛ Yuda bi ɔmɛ a kpe he ko ngɛ ɔ.

Ni Tsumi 18:1

Enɛ ɔ se ɔ, Paulo je Atene, nɛ e pue nɔ kɛ ho Korinto ya.

Ni Tsumi 18:12

Benɛ Roma nɔ yemi ɔ wo Galio amlaalo ngɛ Akaya a, Yuda bi ɔmɛ pee a nya kake nɛ a te si wo Paulo, nɛ a nu lɛ kɛ ho kojomi he ɔ ya.

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

2 Korintobi 10:10

Nihi deɔ ke, “Paulo womi ɔmɛ a mi munyuhi jiɔ, nɛ a mi wa hulɔ; se ke o na lɛ nitsɛ lɛɛ pi nɔ ko kulaa ji lɛ; munyu nitsɛ tete e li tumi.”

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

2 Korintobi 13:9

Ke wa gbɔjɔ, nɛ nyɛɛ lɛɛ nyɛ ngɛ he wami ɔ, wa naa bua jɔmi. Enɛ ɔ he je nɛ wa ngɛ Mawu pɛɛ kpae ha nyɛ ɔ nɛ, konɛ nyɛɛ ya nɔ nɛ nyɛɛ hi kɛ pi si.

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

2 Korintobi 4:16

Enɛ ɔ he ɔ, wa kɔni mi jɔ̃ we gblegbleegble. E ngɛ mi kaa wa nɔmlɔ tso ɔ ngɛ puɛe bɔɔbɔɔbɔɔ mohu, se mumi mi ɔ, wa ngɛ wae daa ligbi.

2 Korintobi 6:4

Se mohu ngɛ nɔ́ tsuaa nɔ́ mi ɔ, wa bɔɔ mɔde kaa wa maa tsɔɔ kaa Mawu tsɔli ji wɔ niinɛ. Wa toɔ wa tsui si ngɛ haomi, kɛ fimi, kɛ he hiami mi.

2 Korintobi 7:15

Tito kaiɔ bɔ nɛ nyɛɛ kɛ he si bami, kɛ bu he lɛ atuu, kɛ bɔ nɛ nyɛ tsuo nyɛ pee klaalo nɛ ke e de nyɛ nɔ́ ko nɛ nyɛ peeɔ ɔ. Enɛ ɔ he ɔ, e na suɔmi babauu kɛ ha nyɛ pe kekle ɔ po.

2 Korintobi 7:5

Benɛ wa ba su Makedonia tete po wa nɔmlɔ tso ɔ na we he jɔmi kulaa; he tsuaa he ɔ, haomi sɔuu. Be mi nɛ ni kpahi kɛ wɔ ngɛ pɛ nɔ daa nɛ ɔ, wɔ nitsɛmɛ hu gbeye sɔuu wa ngɛ yee.

Efesobi 6:5

Nyɛ nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ kɛ gbeye yemi kɛ he domi, nɛ nyɛ sɔmɔ mɛ kɛ nyɛ tsui tsuo kaa bɔ nɛ nyɛ peeɔ ha Kristo ɔ;