1 Korintobi 2:14 - BAIBLO ALOO NGMAMI KLƆUKLƆU Ɔ

¹⁴ Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

Somi He Ɔ

¹⁴ Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

1 Korintobi 2:14 ပူးပေါင်းရင်းမြစ်များ

1 Korintobi 1:18

Ejakaa nihi nɛ a hɛ mi miɔ nɛ e ma kpata a, buɔ sɛ gbi ɔ nɛ kɔɔ sɛumi tso ɔ he ɔ kaa kuasiahi a sane ko kɛkɛ. Se wɔ nɛ a ngɛ wa yi wami hee ɔ, wɔɔ lɛɛ e ji Mawu he wami ha wɔ.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

1 Korintobi 15:46

Se he lo nɔmlɔ tso ɔ he hia we kaa mumi nɔ́ ɔ; ejakaa he lo nɔ́ ɔ ba kekle loko mumi nɔ́ ɔ nɛ he hia pe lɔ ɔ ba.

Yuda 1:19

Nimli nɛ ɔmɛ ji nimli nɛ kɛ mi gbami baa a nɛ. A he lo ɔ lɛ yeɔ a nɔ; a be mumi ɔ.

Yakobo 3:15

Kikɛmɛ a nile nɛ ɔ, pi hiɔwe nɛ e je; zugba nɛ ɔ nɔ nɔ́; Mawu mumi be mi, mumi yayami sɔuu.

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

1 Korintobi 15:44

Ke a ngɔ lɛ ngɔ wo zu mi ɔ, nɔmlɔ tso nɛ a naa a, lɔ ɔ kɛkɛ a pu ɔ nɛ. Se ke a tle lɛ si kɛkɛ e pee nɔmlɔ tso nɛ mumi ɔ ha lɛ wami he. Ke nɔmlɔ tso nɛ a naa ngɛ ɔ, lɛɛ nɔmlɔ tso nɛ mumi ɔ haa lɛ wami he hu ngɛ.

1 Korintobi 2:12

Wɔɔ lɛɛ pi je nɛ ɔ mi mumi ɔ nɛ wa ná, se mohu mumi nɛ je Mawu ngɔ ɔ, konɛ waa le níhi nɛ Mawu kɛ dloo wɔ ɔ tsuo.

Abɛ Womi 14:6

Nɔ buili hlaa kaa a maa le ní, se nile bɔɔ mɛ. Nihi nɛ nuɔ nɔ́ sisi ɔ, mɛɛ a leɔ ní mla.

Yohane 12:37

Yesu pee ní nɛ ɔmɛ tsuo kɛ to okadi ngɛ ni ɔmɛ a hɛ mi paa, se a he we lɛ yi,

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Mateo 16:23

Se Yesu plɛ e he nɛ e de Petro ke, “Jee ye nɔ kɛ ya se, Satan! O ngɛ ye nane kpatae. Ejakaa juɛmi nɛ ngɛ o yi mi ɔ, pi Mawu ngɔ nɛ e je, se nɔmlɔ adesa.”

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

Yohane 8:43

Munyu nɛ i kɛ nyɛ tu ɔ, nyɛ nɛ nya, ejakaa nyɛ bui ye munyu ɔ.

1 Korintobi 1:23

Se wɔɔ lɛɛ Kristo nɛ a sɛu ɔ wa ngɛ fiɛe. Enɛ ɔ peeɔ blɔ tsimi nɔ ha Yuda bi, nɛ Hela bi hu buu lɛ kaa kuasiahi a sane.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Ni Tsumi 25:19

Nɔ́ nɛ a ngɔ kɛ ba ji mɛ nitsɛmɛ a Mawu jami he nɔ́ jemi sane komɛ, kɛ Yesu ko nɛ gbo, nɛ Paulo lɛɛ e ke e ngɛ je mi kɛ mwɔɔ he sanehi.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

Ni Tsumi 18:15

Se akɛnɛ munyunguhi, kɛ biɛhi, kɛ nyɛ mlaa a he nyɛ ngɛ sane yee ngɛ nɛ ɔ, nyɛ nitsɛmɛ nyɛ ya hyɛ mi. Sanehi nɛ ngɛ kaa kikɛ nɛ ɔ, i be kojoe.”

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Yohane 10:20

A ti nihi fuu de ke, “Mumi yayami ngɛ e mi. Nɔmlɔ nɛ ngɛ godo nue ɔ, mɛni he je nyɛ ngɛ lɛ tue bue ɔ?”

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Yohane 14:17

Lɛ ji anɔkuale mumi nɛ tsɔɔ nihi bɔ nɛ tutuutu nɛ Mawu ngɛ ɔ. Je mi bi ɔmɛ ngɔɛ lɛ, ejakaa a nɛ́ lɛ, nɛ a li lɛ hulɔ. Se nyɛɛ lɛ nyɛ le lɛ, ejakaa e kɛ nyɛ ngɛ, nɛ e ngɛ nyɛ mi.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

1 Korintobi 1:25

Ejakaa ke Mawu je kuasia tete po, adesa kɛ e nile nɛ nya wa a na we lɛ; ke Mawu gbɔjɔ tete po, adesa kɛ e he wami kpetekpleenyɛ ɔ na we lɛ saasaa.

1 Korintobi 3:1

Nyɛmimɛ, anɔkuale mi ɔ, i nyɛ we nɛ i kɛ nyɛ nɛ tu munyu kaa bɔ nɛ i kɛ nihi nɛ mumi ɔ ngɛ a mi ɔ tuɔ munyu. Se mohu, i kɛ nyɛ tu munyu kaa je mi bi, aloo bimwɔwi ngɛ Kristo jami mi.