1 Korintobi 2:13 - BAIBLO ALOO NGMAMI KLƆUKLƆU Ɔ

¹³ Lɔ ɔ he ɔ, nihi nɛ mumi ɔ ngɛ a mi ɔ, ke waa kɛ mɛ ngɛ mumi mi níhi a he ní sɛɛe ɔ, munyu nɛ mumi ɔ tsɔɔ wɔ ɔ, lɔ ɔ wa tuɔ; wa tu we adesa nile munyu.

Somi He Ɔ

¹³ Kɔlɔɔmɛ hu wa deɔ, pi nimli a nilemi munyuhi nɛ waa kɛ deɔ, se mohu munyuhi nɛ Mumi ɔ tsɔɔ ɔ, nɛ waa kɛ mumi mi nihi toɔ mumi mi nihi a he.

1 Korintobi 2:13 ပူးပေါင်းရင်းမြစ်များ

1 Korintobi 2:4

Ní nɛ i tsɔɔ, kɛ sɛ gbi nɛ i fiɛ ɔ hu, pi nile munyu nɛ plɛɔ nɔ yi mi nɛ i tu. Se mohu Mawu Mumi ɔ, kɛ he wami ɔ lɛ tsu ní nɛ ɔ,

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

1 Korintobi 1:17

Kristo tsɔ we mi ke ma ba sɔle nihi. E tsɔ mi ke ma ba fiɛ sane kpakpa a; pi kɛ nya mi dɔkɔɔ, kɛ adesa nile, konɛ gbenɔ nɛ Kristo gbo ngɛ sɛumi tso ɔ nɔ ɔ kó pee yaka.

1 Korintobi 2:1

Ye nyɛmimɛ, benɛ i ba slaa nyɛ, nɛ i kɛ Mawu laami sane ɔ ba ha nyɛ ɔ, i fiɛ we kɛ nya mi ngɔngɔɛ, loo nile.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

Efesobi 5:19

Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.

1 Korintobi 14:2

Nɔ nɛ tuɔ gbi slɔɔtohi ɔ, pi adesa nɛ e kɛ ngɛ munyu tue, se Mawu, ejakaa nɔ ko nɔ ko nui sisi. Mumi ɔ he wami nɛ e kɛ ngɛ laami munyu ɔmɛ tue ɔ nɛ.

1 Korintobi 9:11

Ke wa ba du mumi mi níhi ngɛ nyɛ tsui mi ɔ, anɛ e ji nɔ́ ko nɛ he wa tsɔ kaa wɔ hu wa na he lo ɔ hiami níhi kɛ je nyɛ dɛ lo?

Luka 12:12

Ejakaa nɔ́ nɛ sa kaa nyɛ de ɔ, Mumi Klɔuklɔu ɔ maa tsɔɔ nyɛ jamɛ a ngmlɛfia a mi nɔuu.”

Ni Tsumi 2:4

Mumi Klɔuklɔu ɔ ba mɛ tsuo a nɔ saminya, nɛ a bɔni gbi slɔɔtoslɔɔtohi tumi ngɛ Mumi Klɔuklɔu ɔ he wami nya.