1 Korintobi 16:20 - BAIBLO ALOO NGMAMI KLƆUKLƆU Ɔ

²⁰ Nyɛmimɛ ɔmɛ tsuo nɛ ngɛ hiɛ ɔ ke a biɔ nyɛ. Ke nyɛ kpe ɔ, nyɛ nga nyɛ sibi kɛ suɔmi nɛ sa Kristo se nyɛɛli kɛ je nyɛ tsui mi.

Somi He Ɔ

²⁰ Nyɛmimɛ ɔmɛ kulaa biɔ nyɛ. Nyɛ nga nyɛ he kɛ nya he fiɔmi klɔuklɔu.

1 Korintobi 16:20 ပူးပေါင်းရင်းမြစ်များ

Romabi 16:16

Nyɛɛ fua nyɛ sibi kɛ nga nyɛ he. Kristo asafo tsuo biɔ nyɛ.

1 Petro 5:14

Nyɛɛ fua nyɛ sibi kɛ nga nyɛ he kaa nyɛmimɛ nɛ le Kristo. Nyɛ nihi tsuo nɛ nyɛ ngɛ Kristo mi ɔ, nyɛ he manye!

1 Tesalonikabi 5:26

Nyɛ nga nyɛmimɛ ɔmɛ tsuo ha wɔ kɛ suɔmi nɛ mi wa.

Hebribi 13:24

Wa biɔ nyɛ hɛ mi nyɛɛli ɔmɛ, kɛ ni klɔuklɔu ɔmɛ tsuo. Ni nɛmɛ nɛ je Italia a hu ke a biɔ nyɛ.

Filipibi 4:22

Ni klɔuklɔu ɔmɛ tsuo nɛ a ngɛ hiɛ ɔ ke a biɔ nyɛ, titli ɔ, Kaisare ɔ we ɔ mi bi ɔmɛ.

Romabi 16:23

Gayo, ye wetsɛ ɔ hu ke e biɔ nyɛ. E we mi nɛ asafo ɔ tsuo kpee ngɛ. Erasto, ma sika tolɔ ɔ, kɛ wa nyɛmi Kuato hu ke a biɔ nyɛ. [

Romabi 16:21

Timoteo nɛ i kɛ lɛ ngɛ ní tsumi kake tsue ɔ ke e biɔ nyɛ. Ye nyɛmimɛ Yuda bi, Lukio, Yason, kɛ Sosipatre hu ke a biɔ nyɛ.

Mateo 5:47

Nɛ ke nyɛ ngaa nyɛ huɛmɛ ɔmɛ kɛkɛ ɔ, mɛni tsɔ lɛ nyɛ ngɛ pee pe ni kpahi? Anɛ ma je li ɔmɛ tete pee we ja nɔuu lo?