1 Korintobi 16:2 - BAIBLO ALOO NGMAMI KLƆUKLƆU Ɔ

² Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

Somi He Ɔ

² Daa otsi kekleekle ligbi ɔ nɔ ɔ, nyɛ ti nɔ tsuaa nɔ nɛ je nɔ́ ko ngɔ to, ngɛ bɔ nɛ e naa a nya, konɛ ma ko ba loko a tsu onia a.

1 Korintobi 16:2 ပူးပေါင်းရင်းမြစ်များ

Ni Tsumi 20:7

Otsi ɔ mi kekleekle ligbi ɔ, wa bua wa he nya, konɛ waa ye suɔmi niye ní ɔ. Paulo tu munyu tsɔɔ ni ɔmɛ, nɛ e tsa fiɛmi ɔ nɔ kɛ ya su nyɔ mi kɔ̃kɔ̃ɔ̃kɔ̃; ejakaa e nɔ jena nɔuu e maa je.

Luka 16:10

Nɔ tsuaa nɔ nɛ yeɔ anɔkuale ngɛ nɔ́ nyafii mi ɔ maa ye anɔkuale ngɛ nɔ́ nguaa mi; nɔ nɛ yi anɔkuale ngɛ nɔ́ nyafii mi ɔ, e be anɔkuale yee ngɛ nɔ́ nguaa mi.

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Yohane 20:19

Jamɛ a ligbi ɔ nɛ ji otsi ɔ kekleekle ligbi ɔ gbɔkuɛ ɔ, Yuda ma nimeli ɔmɛ a he gbeye nya a, kaseli ɔmɛ ya bua a he nya ngɛ he ko, nɛ a nga sinya amɛ. Tlukaa a, Yesu ba da si ngɛ a kpɛti. E de mɛ ke, “Nyɛ he manye!”

Luka 24:1

Otsi ɔ we kekleekle ligbi mɔtu mla a, yi ɔmɛ hɛɛ tsopa kɛ e he via nɛ a dla ngɔ to ɔ kɛ ba yɔkɔ ɔ he.

Kronika II, 31:10

nɛ osɔfo nɔkɔtɔma Azaria, Zadok nina a de lɛ ke, “Kɛ je be nɛ ma a kɛ nike ní ɔmɛ bɔni Yawɛ we ɔ mi bami ɔ, wa yeɔ ní nɛ wa tɔɔ, nɛ babauu piɛɔ ngɛ se. Niinɛ, Yawɛ gbaa e ma a babauu nitsɛ, nɛ nɔ́ nɛ a ye nɛ piɛ ɔ ji níhi nɛ pueɔ si ngɛ hiɛmɛ nɛ ɔ nɛ.”

Mose I, 26:12

Isak du ní ngɛ jamɛ a zugba a nɔ, nɛ jamɛ a jeha a, e kpa nɔ́ nɛ e du ɔ yi totoe lafa, ejakaa Yawɛ gbaa lɛ.

Yohane 20:26

Ligbi kpaanyɔ se ɔ, kaseli ɔmɛ bua a he nya ekohu ngɛ tsu mi, nɛ Toma piɛ a he. A nga sinya amɛ, se Yesu ba nɛ e ba da si ngɛ a kpɛti, nɛ e de ke, “Nyɛ he manye!”

Marko 14:8

Yo nɛ ɔ pee nɔ́ nɛ e ma nyɛ. E sɛ hlami pɔ ye nɔmlɔ tso ɔ nu ngɔ to ye pumi.

Mose I, 33:11

I kpa mo pɛɛ nɛ o he nike ní nɛ ɔmɛ nɛ i ngɔ ba ha mo ɔ; Mawu nɛ na mi mɔbɔ, nɛ e ha mi nɔ́ tsuaa nɔ́ nɛ hia mi.” Kikɛ nɛ ɔ Yakob hao Esau hluu kɛ ya si Esau kplɛɛ nɛ e he nike ní ɔmɛ.

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Mose I, 30:30

Benɛ i ba a, lohwe bɔɔ pɛ o ngɛ. Se amlɔ nɛ ɔ lohwe ɔmɛ bɔ, nɛ a he hiɛ babauu; Yawɛ gu ye nɔ nɛ e kɛ gbaa mo babauu. Amlɔ nɛ ɔ, e su be nɛ ma to blɔ nya kɛ ha imi nitsɛ ye we ɔ.”

Mose I, 30:27

Laban he nɔ ke, “I kpa mo pɛɛ nɛ o bu nɔ́ nɛ ma de nɛ ɔ tue. I ya bi ní, nɛ a de mi ke o he nɛ Yawɛ gbaa mi ngɛ.

2 Korintobi 8:10

Ga nɛ i ngɛ nyɛ woe kɛkɛ ji kaa tsumi nɛ ɔ sa nyɛ. Ejakaa nyɛ juɛmi a kɛ to he ga, nɛ nyɛ ji kekleekle nihi nɛ bɔni tsumi jeha ji nɛ.