1 Korintobi 16:18 - BAIBLO ALOO NGMAMI KLƆUKLƆU Ɔ

¹⁸ A ba wo mi bua kaa bɔ nɛ a wo nyɛ hu bua a. E hia kaa nyɛɛ le nihi kaa kikɛ nɛ ɔ saminya.

Somi He Ɔ

¹⁸ Ejakaa a ba wo ye bua kaa bɔ nɛ a wo nyɛ hu nyɛ bua a. Lɔ ɔ he ɔ, nimli nɛ ngɛ kaa ni nɛ ɔmɛ ɔ nyɛɛ le mɛ saminya.

1 Korintobi 16:18 ပူးပေါင်းရင်းမြစ်များ

Filemon 1:7

Ye nyɛmi, o suɔmi ɔ wo mi he wami, nɛ e ha mi bua jɔmi babauu. O ha nɛ Mawu bimɛ ɔmɛ a tsui nɔ a mi.

2 Korintobi 7:13

Enɛ ɔ lɛ ha nɛ wa nɔ gbagba te ɔ nɛ. Wa nɔ gbagba te niinɛ. Se bua jɔmi nɛ Tito na a ha nɛ wɔ nitsɛmɛ hu wa bua jɔ kɛ be nɔ. Ejakaa e bɔ wɔ bɔ nɛ nyɛ ha nɛ e tsui nɔ e mi ha.

1 Tesalonikabi 5:12

Wa kpa nyɛ pɛɛ, nyɛmimɛ, nɛ nyɛɛ bu nihi nɛ ngɛ ní tsue ngɛ nyɛ kpɛti ɔ, Nyɔmtsɛ ɔ asafo ɔ hɛ mi nyɛɛli nɛ tuɔ munyu tsɔɔ nyɛ ɔ.

Kolosebi 4:8

Enɛ ɔ he i ngɛ lɛ nyɛ ngɔ tsɔe, konɛ nyɛɛ nu wa he, bɔ nɛ wa ngɛ ha, konɛ nyɛ hu e ba wo nyɛ bua.

Romabi 15:32

Kɛkɛ ɔ, ke Mawu suɔ ɔ, i kɛ bua jɔmi maa ba nyɛ ngɔ nɛ ma ba jɔɔ ye he bɔɔ.

Abɛ Womi 25:25

Ke o nu manye munyu kɛ je ma se ɔ, e ngɛ kaa nɔ́ nɛ o ná nyu nɛ mi jɔ nɛ o kɛ maa gbe kuma.

Abɛ Womi 25:13

Tsɔlɔ nɛ yeɔ anɔkuale ɔ, e haa e nyɔmtsɛmɛ a tsui nɔɔ a mi kaa bɔ nɛ nyu nganii jɔɔ nɔ tsui he latsa be mi ke a ngɛ ní kpae ɔ.

3 Yohane 1:4

Nɔ́ nɛ peeɔ mi bua jɔmi pe kulaa ji kaa ma nu kaa ye bimɛ ɔmɛ ngɛ nyɛɛe ngɛ anɔkuale ɔ nya.

Filemon 1:20

Lɔ ɔ he ɔ, ye nyɛmi, Nyɔmtsɛ ɔ he ɔ, i kpa mo pɛɛ, pee enɛ ɔ ha mi. Ha ma tsɛ ye tsui ngɔ wo ye tsui mi, ejakaa ye nyɛmi nɛ le Kristo ji mo.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.