1 Korintobi 16:10 - BAIBLO ALOO NGMAMI KLƆUKLƆU Ɔ

¹⁰ Ke Timoteo ba nyɛ ngɔ ɔ, nyɛ he lɛ hɛmuɔ nɛ e ko ye gbeye, ejakaa lɛ hu Nyɔmtsɛ ɔ ní tsumi ɔ nɔuu nɛ e ngɛ tsue kaa imi.

Somi He Ɔ

¹⁰ Ke Timoteo ba nyɛ ngɔ ɔ, nyɛɛ hyɛ nɛ nyɛ he lɛ hɛmuɔ, ejakaa Nyɔmtsɛ ɔ ni tsumi nɔuu e ngɛ tsue kaa imi.

1 Korintobi 16:10 ပူးပေါင်းရင်းမြစ်များ

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

1 Korintobi 4:17

I ngɛ Timoteo nyɛ ngɔ tsɔe ngɛ enɛ ɔ he. E ngɛ kaa imi nitsɛ ye bi fɔfɔɛ; e yeɔ mi anɔkuale, nɛ i suɔ lɛ, ejakaa e le Kristo. Ke Timoteo ba a, e ma kai nyɛ bɔ nɛ i plɛ kɛ ngɛ Yesu Kristo se nyɛɛe ha, kaa bɔ nɛ a naa ngɛ ye ní tsɔɔmi mi ngɛ asafo ɔmɛ a mi he tsuaa he ɔ.

Romabi 16:21

Timoteo nɛ i kɛ lɛ ngɛ ní tsumi kake tsue ɔ ke e biɔ nyɛ. Ye nyɛmimɛ Yuda bi, Lukio, Yason, kɛ Sosipatre hu ke a biɔ nyɛ.

1 Tesalonikabi 4:12

Ke nyɛ pee jã a, nihi nɛ li Kristo lolo ɔ maa bu nyɛ, nɛ nyɛ be nyɛ he ngɔe kɛ fɔ nɔ ko nɔ.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

2 Korintobi 1:1

Imi Paulo nɛ Mawu suɔmi nya a, i ba pee Kristo Yesu bɔfo ɔ, i kɛ wa nyɛmi Timoteo lɛ ngma womi nɛ ɔ ya ha Mawu asafo ɔ nɛ ngɛ Korinto, kɛ ni klɔuklɔu ɔmɛ tsuo nɛ ngɛ Akaya a.

1 Korintobi 16:11

Nyɛ ti nɔ ko nɛ ko bu lɛ kaa pi nɔ ko ji lɛ. Se mohu nyɛɛ hyɛ, konɛ e tsa e blɔ hiami ɔ nɔ ngɛ tue mi jɔmi mi. I ngɛ blɔ hyɛe kaa e kɛ nyɛmimɛ ɔmɛ maa kpale kɛ ba.

Ni Tsumi 19:22

Lɔ ɔ he ɔ, e tsɔ e he piɛli enyɔ Makedonia. Mɛ ji Timoteo, kɛ Erasto; se lɛ nitsɛ lɛɛ e hi Asia be bɔɔ.

Ni Tsumi 16:1

Paulo ba su Derbe, nɛ e tsa nɔ kɛ ya Listra. Benɛ e su Listra a, e ba na nɔ ko nɛ heɔ Yesu yeɔ ngɛ lejɛ ɔ. A tsɛɛ lɛ Timoteo. E nyɛ ɔ, Yuda yo nɛ heɔ Yesu yeɔ ji lɛ; se e tsɛ lɛɛ Hela no.