1 Korintobi 15:6 - BAIBLO ALOO NGMAMI KLƆUKLƆU Ɔ

⁶ Jehanɛ, e jé e he kpo ngɔ tsɔɔ e se nyɛɛli maa pee lafa enuɔ kɛ se si kake. Nimli nɛ ɔmɛ a ti ni babauu ngɛ kɛ ba si mwɔnɛ ɔ, se ni komɛ hu gbo.

Somi He Ɔ

⁶ Lɔ ɔ se ɔ, e je e he kpo ngɔ tsɔɔ nyɛmimɛ pe lafa enuɔ si kake, nihi nɛ a ti nihi fuu ngɛ kɛ ba su mwɔnɛ, se ni komɛ hu gbo.

1 Korintobi 15:6 ပူးပေါင်းရင်းမြစ်များ

Mateo 28:10

Yesu de mɛ ke, “Nyɛ ko ye gbeye! Nyɛɛ ya nɛ nyɛ ya de ye nyɛmimɛ ɔmɛ nɛ ji ye kaseli ɔmɛ ke a ya Galilea, nɛ a maa na mi ngɛ lejɛ ɔ.”

Marko 16:7

Lɔ ɔ he ɔ, nyɛɛ ya nɛ nyɛ de e kaseli ɔmɛ, kɛ Petro hulɔ ke, e ngɛ nyɛ hlami sɛe kɛ yaa Galilea; lejɛ ɔ nyɛ maa na lɛ ngɛ kaa bɔ nɛ e de nyɛ ɔ.”

Ni Tsumi 13:36

David ɔ, benɛ e tsu nɔ́ nɛ Mawu to ha lɛ ke e ba tsu ngɛ e be ɔ mi gbe nya a, e gbo, nɛ a pu lɛ ngɛ he nɛ a pu e nɛmɛ ɔmɛ ngɛ ɔ, nɛ e puɛ.

2 Petro 3:4

Kikɛmɛ a nimli nɛ ɔmɛ ma de ke, “E wo si kaa e maa kpale kɛ ba ekohu, pi jã lo? Jije e ngɛ? Ejakaa kɛ je be nɛ wa nɛmɛ ɔmɛ gbo nɛ ɔ, bɔ nɛ níhi ngɛ kɛ je be mi nɛ a bɔ je ɔ, jã nɔuu nɛ a ngɛ nɛ ɔ nɛ.”

1 Korintobi 15:18

Kɛkɛ ɔ, nihi nɛ he Kristo ye nɛ a gbo ɔ, mɛ hu a hɛ mi kpata.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

1 Tesalonikabi 4:15

Nɔ́ nɛ Nyɔmtsɛ ɔ nitsɛ de ɔ, lɔ ɔ wa ngɛ nyɛ dee nɛ ɔ nɛ. Ligbi ɔ nɛ Nyɔmtsɛ ɔ maa ba a, wɔ nihi nɛ wa hɛ ngɛ, nɛ wa maa hi wami mi kɛ mwɔɔ ɔ, wa be ni nɛmɛ nɛ gbo ɔ a hlami sɛe kɛ ya kpee lɛ.

1 Tesalonikabi 4:13

Nyɛmimɛ, wa suɔ kaa nyɛɛ le anɔkuale sane nɛ kɔɔ nihi nɛ gbo ɔ a he, konɛ nyɛ ko ye kɔmɔ kaa nihi nɛ be hɛ kɛ nɔ fɔmi.

1 Korintobi 15:20

Se anɔkuale ɔ ji kaa Mawu tle Kristo si kɛ je gbeje nɛ e kɛ ye odase kaa e ma tle ni nɛmɛ nɛ gbo ɔ tsuo si.