1 Korintobi 15:57 - BAIBLO ALOO NGMAMI KLƆUKLƆU Ɔ

⁵⁷ Se sina ha Mawu, nɔ nɛ haa wa yeɔ kunimi kɛ guu wa Nyɔmtsɛ Yesu Kristo nɔ ɔ!

Somi He Ɔ

⁵⁷ Se sina ha Mawu, nɔ nɛ guu wa Nyɔmtsɛ Yesu Kristo nɔ haa wa yeɔ kunimi ɔ.

1 Korintobi 15:57 ပူးပေါင်းရင်းမြစ်များ

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

Abɛ Womi 21:31

Adesa dlaa e we okpɔngɔ he kɛ ha ta hwumi; se kunimi yemi ɔ lɛɛ Yawɛ dɛ mi e ngɛ.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

2 Korintobi 9:15

Nyɛ ha waa na Mawu si ngɛ e nike ní nɛ nɔ ko be nyɛe maa kale ɔ he.

La 98:1

Nyɛ la la he ha Yawɛ, ejakaa e pee nyakpɛ níhi. E ngɔ lɛ nitsɛ e he wami kpetekpleenyɛ nɛ ngɛ klɔuklɔu ɔ kɛ ye kunimi ha e he.

Efesobi 5:20

Be tsuaa be ɔ, nyɛɛ na Tsɛ Mawu si ngɛ nɔ́ tsuaa nɔ́ he.

Romabi 7:25

Sina ha Mawu kaa e he wa yi wami kɛ gu wa Nyɔmtsɛ Yesu Kristo nɔ! Ke ma po lɛ kpiti ɔ, bɔ nɛ i ngɛ ji nɛ ɔ nɛ: i kɛ ye juɛmi pɛ lɛ sɔmɔɔ ngɛ Mawu mlaa a nya, se ye he lo ɔ lɛɛ mlaa a nɛ haa nɔ peeɔ yayami ɔ lɛ yeɔ e nɔ.

Kronika I, 22:11

David ya nɔ, nɛ e de ke, “Lɔ ɔ he ɔ, ye bi, Yawɛ, o Mawu ɔ kɛ mo nɛ hi si. Yawɛ, o Mawu ɔ nɛ ye e si womi ɔ nɔ, konɛ o nyɛ nɛ o po we ha lɛ.

2 Korintobi 1:11

Nyɛ hu nyɛɛ piɛ wa he kɛ kpa pɛɛ, konɛ nihi babauu nɛ na Mawu si ha wɔ kaa nihi babauu a pɛɛ kpami nya a, wa na dloomi nike níhi.

1 Korintobi 15:51

Nyɛɛ bu tue! Anɔkuale laami sane nɛ i ngɛ nyɛ dee nɛ ɔ nɛ. Wɔ tsuo wa be gboe! Se ke nyagbe titimati ɔ pɛ ɔ, a ma tsake wɔ tsuo amlɔ kaa a fiaa hɛngmɛ. Ejakaa ke titimati ɔ pɛ ɔ, ni gbogboe ɔmɛ maa te si, nɛ a be gboe hu gblegbleegble. Nɛ a ma tsake wɔ tsuo.

Matsɛmɛ II, 5:1

Siria matsɛ ɔ tatsɛ Naeman ji nɔ ko nɛ e nyɔmtsɛ ɔ buu lɛ saminya kaa nɔmlɔ agbo; ejakaa Yawɛ gu Naeman nɔ kɛ ha Siria ye kunimi. Katsɛ kpanaa ji lɛ; se he womi nɔ hiɔ yaya ngɛ e he.

Ni Tsumi 27:35

Benɛ Paulo de enɛ ɔ, e kɛ̃ abolo, nɛ e na Mawu si, nɛ ngɛ mɛ tsuo a hɛ mi ɔ, e ku mi, nɛ e bɔni yemi.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”