1 Korintobi 15:56 - BAIBLO ALOO NGMAMI KLƆUKLƆU Ɔ

⁵⁶ Gbenɔ kɛɛ ɔ ji yayami, nɛ yayami he wami ɔ ji mlaa a.

Somi He Ɔ

⁵⁶ Se gbenɔ kɛ̃ɛ ji yayami, nɛ yayami he wami ji Mlaa a.

1 Korintobi 15:56 ပူးပေါင်းရင်းမြစ်များ

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Romabi 6:23

Ejakaa yayami he hiɔwo ji gbenɔ; se Mawu nɔke nɔ́ ɔ ji neneene wami nɛ wa naa ngɛ wa Nyɔmtsɛ Yesu Kristo mi.

Yohane 8:24

Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Yohane 8:21

Yesu kpale de ni ɔmɛ ke, “Imi lɛɛ i yaa! Nyɛ ma hla mi, se nyɛ ma gbo kɛ nyɛ he yayami. He nɛ i yaa a, nyɛ be nyɛe maa ba.”

Romabi 5:17

Ejakaa ke yayami nɛ nɔ kake pee ɔ, ha gbenɔ kpata nihi babauu a hɛ mi ɔ, lɛɛ nihi tsuo nɛ a nine su Mawu dloomi ɔ nɔ, nɛ Mawu gu nɔke nɔ́ ɔ nɔ bu mɛ nihi nɛ da a, Kristo ma ha a na neneene wami hluu tsɔ.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Romabi 5:15

Se Mawu nɔke nɔ́ ɔ slo kulaa ngɛ yayami nɛ Adam pee ɔ he. Ejakaa yayami nɛ Adam pee ɔ ha nihi babauu gbo lɛɛ, se Mawu dloomi ɔ, kɛ nɔke nɔ́ nɛ a gu Yesu Kristo dloomi ɔ nɔ ha wɔ ɔ hiɛ hluu tsɔ kɛ ha nihi tsuo.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.