1 Korintobi 15:54 - BAIBLO ALOO NGMAMI KLƆUKLƆU Ɔ

⁵⁴ Ke nɔ́ nɛ puɛɔ ɔ tsake pee nɔ́ nɛ puɛ we, nɛ nɔ́ nɛ gboɔ ɔ tsake pee nɔ́ nɛ gbo we ɔ, lɔ ɔ lɛɛ ngmami ɔ maa ba mi: “A mi gbenɔ kɛ ye kunimi!”

Somi He Ɔ

⁵⁴ Se benɛ kikɛmɛ a puemi nɔ́ nɛ ɔ wo nɔ́ nɛ puɛ we ɔ, nɛ kikɛmɛ a gbomi nɔ́ nɛ ɔ wo nɔ́ nɛ gbo we ɔ, lɔ ɔ lɛɛ munyu nɛ a ngma a maa ba mi ke: “A mi gbenɔ ngɛ kunimi yemi mi.

1 Korintobi 15:54 ပူးပေါင်းရင်းမြစ်များ

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Kpojemi 20:14

A hɛ gbenɔ, kɛ gbeje ngɔ fɔ taku kɛ e mi la nɛ ngɛ tsoe gegeege ɔ mi. Lɔ ɔ ji gbenɔ enyɔne ɔ nɛ.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Luka 20:36

A maa pee kaa Mawu bɔfohi, nɛ a be gboe hu. A pee Mawu bimɛ, ejakaa a te si kɛ je gbeje.

2 Korintobi 4:11

Wa wami be ɔ tsuo ɔ, Yesu he ɔ, nihi ngɛ wɔ dae nɛ a gbe wɔ, bɔ nɛ pee nɛ a na Kristo wami ɔ ngɛ wa he lo nɛ ma gbo nɛ ɔ mi.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

Romabi 6:12

Nyɛ ko ha nɛ yayami nɛ ye nyɛ nɔmlɔ tso nɛ gboɔ ɔ nɔ hu. Nyɛ ko di nɔmlɔ tso ɔ we akɔnɔ níhi a se.

Romabi 1:23

Mawu nɛ gbo we gblee ɔ, a wui e hɛ mi nyami bɔ nɛ sa kaa a peeɔ, se mohu a ya woɔ níhi nɛ a puɛ kaa nɔmlɔ adesa nɛ gboɔ ɔ, aloo lohwe pɛlitsɛmɛ, loo lohwe nane eywiɛɛywiɛtsɛmɛ, loo lohwehi nɛ sãã si mohu a hɛ mi nyami.

2 Korintobi 5:4

Be mi nɛ wa ngɛ bo tsu nɛ ɔ mi kɛ mwɔɔ ɔ, wa he hiaa wɔ, nɛ wa faa huu. Pi kaa wa suɔ kaa waa ngmɛɛ wa zugba nɛ ɔ nɔ bo tsu ɔ he, se mohu kaa waa ngɔ hiɔwe nɔ́ ɔ hu kɛ ha wa he. Kɛkɛ ɔ, nɔ́ nɛ ngɛ wami ɔ ma tsake nɔ́ nɛ gboɔ ɔ.