1 Korintobi 15:42 - BAIBLO ALOO NGMAMI KLƆUKLƆU Ɔ

⁴² E ngɛ kaa bɔ nɛ a ma tle ni gbogboehi si kɛ ba wami mi ekohu ɔ pɛpɛɛpɛ. Nɔ́ nɛ a pu kaa wu ɔ ma puɛ, se nɔ́ nɛ a ma tle si ɔ lɛɛ e be puɛe.

Somi He Ɔ

⁴² Jã nɔuu ji ni gbogboehi a sitemi ɔ hulɔ. A duɔ lɛ ngɛ puemi mi, a tleɔ lɛ si ngɛ nɔ́ nɛ puɛ we mi;

1 Korintobi 15:42 ပူးပေါင်းရင်းမြစ်များ

Mateo 13:43

Se Mawu ma a lɛɛ, a ma kpɛ kaa pu ngɛ a Tsɛ ɔ hiɔwe matsɛ yemi ɔ mi. Nɔ nɛ ngɛ tue ɔ, e nu!

Daniel 12:3

Ní leli ɔmɛ nɛ nyɛɛ ma a hɛ mi ɔ ma kpɛ kaa pu. Ni nɛmɛ nɛ tsɔɔ nihi babauu blɔ nɛ a pee nɔ́ nɛ da a, mɛɛ lɛɛ a ma kpɛ kaa dodoehi kɛ maa ya neneene.”

1 Petro 1:4

Lɔ ɔ he ɔ, wa hɛ ngɛ nɔ kaa Mawu ngɔ gbosi ní nɛ puɛ we, nɛ mu be he, nɛ kpa we hulɔ ɔ ngɔ to ha nyɛ ngɛ hiɔwe.

Romabi 8:21

kaa be ko ma nɛ adebɔ níhi tsuo maa ye a he, nɛ gbenɔ be he wami nae ngɛ a nɔ hu; nɛ a kɛ Mawu bimɛ ɔmɛ maa hi si ngɛ he jɔmi mi, nɛ a maa wo a hɛ mi nyami.

Ni Tsumi 2:31

David na nɔ́ nɛ Mawu maa pee ɔ momo, lɔ ɔ he ɔ, e tu Kristo si temi ɔ he munyu, nɛ e de ke, ‘A si we lɛ ngɛ gbeje, nɛ e he lo hu puɛ we ngɛ yɔkɔ mi.’

Romabi 1:23

Mawu nɛ gbo we gblee ɔ, a wui e hɛ mi nyami bɔ nɛ sa kaa a peeɔ, se mohu a ya woɔ níhi nɛ a puɛ kaa nɔmlɔ adesa nɛ gboɔ ɔ, aloo lohwe pɛlitsɛmɛ, loo lohwe nane eywiɛɛywiɛtsɛmɛ, loo lohwehi nɛ sãã si mohu a hɛ mi nyami.

Ni Tsumi 2:27

Ejakaa o be mi sie ngɛ gbeje; o be hae nɛ o nɔ klɔuklɔu ɔ nɛ puɛ ngɛ yɔkɔ mi.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

La 49:14

a ma gbo kaa to gboɔ; gbenɔ maa ngɔ mɛ kɛ ya gbeje tɔɔ. Se ni nɛmɛ nɛ peeɔ nɔ nɛ da a maa ye yayami peeli a nɔ; yayami peeli a nɔmlɔ tso ɔ ma puɛ kulaa, nɛ gbeje maa pee a hi he.

La 16:10

Ejakaa o maa bu ye he, nɛ gbenɔ he wami be ye he blɔ nae. Nɔ nɛ o suɔ lɛ ɔ, o be e he ngmɛɛe nɛ e hɛ mi nɛ kpata.

Hiob 17:14

Ma tsɛ yɔkɔ ɔ ke tsaatsɛ; gɔgɔhi nɛ maa ye mi ɔ, ma tsɛ mɛ maa, kɛ ye nyɛmiyihi.

La 49:9

konɛ e hi je mi daa, nɛ e ko gbo.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

1 Korintobi 15:41

Slo pu hɛ mi nyami kɛ afɛu, nɛ slo nyɔhiɔ hu nɔ́. Slo dodoehi hu a hɛ mi nyami kɛ afɛu; dodoe kake nɔ́ je ekpa ngɛ kake nɔ́ he.

Galatabi 6:8

Ke nɔ ko ya tsu ní ngɛ he lo mi ɔ, e ma kpa nɔ́ nɛ puɛɔ nɛ ma kpata e hɛ mi. Jã kɛ̃ ke nɔ ko tsu ní ngɛ Mawu mumi ɔ nya, Mawu mumi ɔ ma ha e na neneene wami.