1 Korintobi 15:32 - BAIBLO ALOO NGMAMI KLƆUKLƆU Ɔ

³² Ke je nɛ ɔ mi níhi a he lɛ i kɛ lohwe dikali ɔmɛ hwu ta ngɛ ngɛ Efeso ɔ, lɛɛ mɛni se i na mɔ? (Efeso bi a ngɛ dee ɔ nɛ). Se ke a be ni gbogboehi si tlee kɛ ba wami mi ekohu ɔ, lɛɛ kaa bɔ nɛ a pɔɔ demi ɔ, “Nyɛ ha waa ye ní nɛ wa nu ní, ejakaa hwɔɔ pɛ wa gbo.”

Somi He Ɔ

³² Ke nimli a blɔfami nɛ i kɛ “lohwe dikali” hwu ta ngɛ Efeso ɔ, jinɛ mɛni se i naa? Ke ni gbogboehi ti si ɔ, “Nyɛ ha waa ye ni nɛ waa nu ni, ejakaa hwɔɔ ɔ wa ma gbo!”

1 Korintobi 15:32 ပူးပေါင်းရင်းမြစ်များ

Yesaya 22:13

se nyɛ pee we ja; nyɛ muɔ nɛ nyɛ nya mohu. Nyɛ gbe to kɛ na nɛ nyɛ ye ní, nɛ nyɛ nu ní. Bɔ nɛ nyɛ de ji, “Nyɛ ha nɛ waa ye ní nɛ waa nu ní, ejakaa hwɔɔ pɛ wa ma gbo!”

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

2 Petro 2:12

Se kikɛmɛ a nimli nɛ ɔmɛ ngɛ kaa pu mi lohwehi; a be juɛmi. A bɔ mɛ nɛ a nuu mɛ nɛ a gbe kɛkɛ; nɔ́ ko nɛ a nui sisi ɔ, a tuɔ he munyu yaya. A ma kpata a hɛ mi kaa pu mi lohwehi,

Ni Tsumi 18:19

Benɛ a ba su Efeso ɔ, Paulo si Priskila kɛ Akuila ngɛ lejɛ ɔ; se loko e je ɔ, lɛ nitsɛ lɛɛ e ya kpe he ɔ, nɛ e kɛ Yuda bi ɔmɛ ya hla ní a nya.

Yuda 1:10

Se nimli nɛ ɔmɛ lɛɛ nɔ́ ko nɛ a nui sisi ɔ, a tuɔ he munyu yaya. Se níhi nɛ a nuɔ he kaa pu mi lohwehi nɛ mɛɛ lɛɛ a susuu we yi mi ɔ, lɔ ɔmɛ nɔuu ji níhi nɛ kpataa a hɛ mi.

Galatabi 3:15

Ye nyɛmimɛ, i suɔ kaa ma ha nyɛ nɔ hyɛmi nɔ́ ko kɛ je wa je mi si himi mi. Ke ni enyɔ ma nɔ́ ko nya si, nɛ a pee womi ngɔ fɔ nɔ ɔ, nɔ ko nɔ ko be nyɛe maa po mi, loo e maa ngɔ nɔ́ kpa ko ngɔ piɛ he.

Romabi 6:19

I ngɔ nɔ́ nɛ ɔ kɛ to nyɛ nitsɛmɛ nyɛ je mi bami he, ejakaa gbɔjɔmi ngɛ nyɛ he. Sa a, yayami ye nyɛ nyɔguɛ, nɛ nyɛ ngɔ nyɛ nɔmlɔ tso ɔ he ní ɔmɛ kɛ tsu mu ní kɛ pee yayami gbegbeegbe; jã kɛ̃ jehanɛ lɛɛ nyɛɛ pee níhi nɛ da, konɛ nyɛ he nɛ tsɔ.

Ni Tsumi 19:1

Benɛ Apolo ngɛ Korinto ɔ, Paulo ya kpa ni ɔmɛ a nɔ kɛ ba su Efeso. E ba na nihi nɛ he Yesu ye ɔ a ti ni komɛ ngɛ lejɛ ɔ,

Luka 9:25

Mɛni se nɔmlɔ ma na, ke e nine su je ɔ tsuo nɔ, nɛ lɛ nitsɛ e hɛ mi kpata a?

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

La 73:13

Hyɛ kaa i tsu ye he nɛ mu ko be ye he! Hyɛ kaa i pee ye he klɔuklɔu! Lɛɛ tse enɛ ɔ tsuo peeɔ yaka?

Hiob 35:3

E sɛ po kaa o biɔ Mawu ke, “Ke i pee yayami ɔ, mɛni lɔ ɔ kɔɔ ngɛ o he? Mɛni se i naa kaa i pee we yayami ko?”

Ni Tsumi 18:21

Benɛ a ngɛ sɛ yee ɔ, e de mɛ ke, “Ke Mawu suɔ ɔ, ma kpale kɛ ba nyɛ ngɔ ekohu.” Kɛkɛ nɛ e wó lɛ, nɛ e je Efeso.

Romabi 3:5

Se ke nɔ́ nɛ dɛ nɛ wa peeɔ ɔ, haa nɛ a naa paa kaa nɔ́ nɛ da pɛ Mawu peeɔ ɔ, lɛɛ kɛ wa ma de kɛɛ? Anɛ ke Mawu kɛ mi mi fumi gbla wa tue ɔ, e tɔ lo? (Bɔ nɛ i bi nɛ ɔ, ja kɛkɛ adesa tuɔ munyu.)

1 Korintobi 16:8

Ma hi Efeso hiɛmɛ nɛ ɔ kɛ yaa si Pentekoste ligbi ɔ.