1 Korintobi 15:30 - BAIBLO ALOO NGMAMI KLƆUKLƆU Ɔ

³⁰ Ke a be ni gbogboehi si tlee kɛ ba wami mi ekohu ɔ, mɛni he je mɔ lɛ wɔ hu wa ngɛ gbenɔ nya mi ngmlɛfia tsuaa ngmlɛfia a?

Somi He Ɔ

³⁰ Mɛ he je wɔ hu wa naa amane ngmlɛfia tsuaa ngmlɛfia a?

1 Korintobi 15:30 ပူးပေါင်းရင်းမြစ်များ

2 Korintobi 6:9

Wa ngɛ kaa nihi nɛ a li mɛ, se kɛ̃ ɔ, nɔ tsuaa nɔ le wɔ; wa ngɛ kaa nihi nɛ gbo, se kaa bɔ nɛ nyɛ ngɛ hyɛe ɔ, wa hɛ ngɛ. A gblaa wa tue, se wa gbo we.

Galatabi 5:11

Ye nyɛmimɛ, ke i ngɛ fiɛe kɛ mwɔɔ ke e hia nɛ a po nɔ doo ɔ, lɛɛ mɛni he je a ngɛ mi yi mi wae kpamisa mɔ? Ke ja ji sane ɔ, lɛɛ Kristo sɛumi tso ɔ he sane ɔ nɛ i ngɛ fiɛe ɔ, e sɛ́ kaa e haoɔ nɔ ko.

1 Korintobi 15:31

Ye nyɛmimɛ, daa ligbi ɔ, i ngɛ gbenɔ nya mi! Fiami nɛ i fĩaa ngɔ fɔɔ nyɛ nɔ ji kaa wa le Nyɔmtsɛ Yesu Kristo.

Luka 8:23

Benɛ a ngɛ hluie kɛ yaa a, Yesu hwɔ mahe. Tlukaa a, kɔɔhiɔ nɛ nya wa hia ngɛ taku ɔ nɔ; nyu bɔni lɛ ɔ mi sɛmi, nɛ lɛ ɔ miɔ nɛ e ma mu.

1 Korintobi 15:29

Jehanɛ ɔ, nihi nɛ a sɔlee mɛ ngɛ ni nɛmɛ nɛ gbo a nane mi ɔ, nyɛ ha wa susu a he kuku. Ke e ngɛ mi niinɛ kaa bɔ nɛ ni komɛ tsɔɔ ɔ, kaa a be ni gbogboehi si tlee kɛ ba wami mi ekohu ɔ, mɛni he je mɔ nɛ ni nɛ ɔmɛ ha nɛ a ngɛ mɛ sɔlee ngɛ ni nɛmɛ nɛ gbo ɔ a nane mi?