1 Korintobi 15:29 - BAIBLO ALOO NGMAMI KLƆUKLƆU Ɔ

²⁹ Jehanɛ ɔ, nihi nɛ a sɔlee mɛ ngɛ ni nɛmɛ nɛ gbo a nane mi ɔ, nyɛ ha wa susu a he kuku. Ke e ngɛ mi niinɛ kaa bɔ nɛ ni komɛ tsɔɔ ɔ, kaa a be ni gbogboehi si tlee kɛ ba wami mi ekohu ɔ, mɛni he je mɔ nɛ ni nɛ ɔmɛ ha nɛ a ngɛ mɛ sɔlee ngɛ ni nɛmɛ nɛ gbo ɔ a nane mi?

Somi He Ɔ

²⁹ Ejakaa, kɛ nihi nɛ haa a baptisii mɛ ngɛ ni gbogboehi a nane mi ɔ maa pee kɛɛ? Ke ni gbogboehi be si tee kulaa a, mɛ he je mɔ nɛ a haa a baptisii mɛ ngɛ ni gbogboehi a nane mi ɔ?

1 Korintobi 15:29 ပူးပေါင်းရင်းမြစ်များ

1 Korintobi 15:16

Ejakaa ke a tle we ni gbogboehi si ɔ, lɛɛ Kristo hu a tle we lɛ si.

Mateo 20:22

Yesu de bimɛ ɔmɛ ke, “Nyɛ li nɔ́ nɛ nyɛ ngɛ bie ɔ. Amanehlu kplu nɛ i miɔ nɛ ma nu nɛ ɔ, anɛ nyɛ hu nyɛ ma nyɛ maa nu lo?” A he nɔ ke, “Ee, wa ma nyɛ!”

1 Korintobi 15:32

Ke je nɛ ɔ mi níhi a he lɛ i kɛ lohwe dikali ɔmɛ hwu ta ngɛ ngɛ Efeso ɔ, lɛɛ mɛni se i na mɔ? (Efeso bi a ngɛ dee ɔ nɛ). Se ke a be ni gbogboehi si tlee kɛ ba wami mi ekohu ɔ, lɛɛ kaa bɔ nɛ a pɔɔ demi ɔ, “Nyɛ ha waa ye ní nɛ wa nu ní, ejakaa hwɔɔ pɛ wa gbo.”

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.

1 Korintobi 15:28

Se ke a ngɔ níhi tsuo ngɔ wo Kristo nɔ yemi sisi ɔ, lɛɛ Bi ɔ nitsɛ hu maa ngɔ e he ngɔ ha Mawu, nɔ nɛ ngɔ níhi tsuo ngɔ wo e nɔ yemi sisi ɔ. Nɛ Mawu maa ye ní ɔmɛ tsuo a nɔ.

1 Korintobi 15:30

Ke a be ni gbogboehi si tlee kɛ ba wami mi ekohu ɔ, mɛni he je mɔ lɛ wɔ hu wa ngɛ gbenɔ nya mi ngmlɛfia tsuaa ngmlɛfia a?