1 Korintobi 15:28 - BAIBLO ALOO NGMAMI KLƆUKLƆU Ɔ

²⁸ Se ke a ngɔ níhi tsuo ngɔ wo Kristo nɔ yemi sisi ɔ, lɛɛ Bi ɔ nitsɛ hu maa ngɔ e he ngɔ ha Mawu, nɔ nɛ ngɔ níhi tsuo ngɔ wo e nɔ yemi sisi ɔ. Nɛ Mawu maa ye ní ɔmɛ tsuo a nɔ.

Somi He Ɔ

²⁸ Se e benɛ a ngɔ nihi kulaa ngɔ wo Bi ɔ sisi ɔ, lɔ ɔ lɛɛ Bi ɔ nitsɛ hu maa ngɔ e he ngɔ wo nɔ nɛ ngɔ nihi kulaa ngɔ wo e sisi ɔ sisi, konɛ Mawu nɛ pee nihi kulaa yi.

1 Korintobi 15:28 ပူးပေါင်းရင်းမြစ်များ

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

1 Korintobi 3:23

Nyɛ hu Kristo níhi ji nyɛ, nɛ Kristo ɔ, Mawu nɔ ji lɛ.

Efesobi 1:23

Asafo ɔ ji Kristo nɔmlɔ tso nɛ haa níhi tsuo a he suu. Kristo haa níhi tsuo a he suu ngɛ he tsuaa he.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

1 Korintobi 11:3

Se i suɔ nɛ nyɛɛ nu sisi kaa Kristo ngɛ he wami ngɛ nyumuhi tsuo a nɔ kaa bɔ nɛ nyumu ji yi kɛ ha e yo, nɛ Mawu hu ji yi kɛ ha Kristo ɔ.

Yohane 14:28

I de nyɛ momo ke, ‘I yaa, se ma kpale kɛ ba nyɛ ngɔ.’ Nyɛ nu! Kaa nyɛ suɔ mi ɔ, jinɛ nyɛ ko na bua jɔmi kaa i yaa Tsɛ ɔ ngɔ, ejakaa e pe mi.

1 Korintobi 12:6

Ní tsumi slɔɔtohi ngɛ, se Mawu kake ɔ nɔuu lɛ haa nɔ tsuaa nɔ he wami nɛ hia lɛ nɛ e kɛ tsuɔ ní.

La 18:47

Mawu nɛ ɔ lɛ gbla ye he nyɛli ɔmɛ a tue; lɛ nɛ ngɔ je ma amɛ kɛ wo ye sisi,

La 18:39

Mo lɛ o ha mi he wami nɛ i kɛ hwu ta; mo lɛ o ha nɛ i ye ye he nyɛli ɔmɛ a nɔ.

1 Korintobi 15:29

Jehanɛ ɔ, nihi nɛ a sɔlee mɛ ngɛ ni nɛmɛ nɛ gbo a nane mi ɔ, nyɛ ha wa susu a he kuku. Ke e ngɛ mi niinɛ kaa bɔ nɛ ni komɛ tsɔɔ ɔ, kaa a be ni gbogboehi si tlee kɛ ba wami mi ekohu ɔ, mɛni he je mɔ nɛ ni nɛ ɔmɛ ha nɛ a ngɛ mɛ sɔlee ngɛ ni nɛmɛ nɛ gbo ɔ a nane mi?