1 Korintobi 15:2 - BAIBLO ALOO NGMAMI KLƆUKLƆU Ɔ

² Ke nyɛ pɛtɛ sane kpakpa a he wawɛɛ kaa bɔ nɛ i fiɛ tsɔɔ nyɛ ɔ, a ma he nyɛ yi wami. Ke pi jã lɛɛ nyɛ he ye yaka gu.

Somi He Ɔ

² kɔlɔ ɔ a kɛ heɔ nyɛ yi wami hulɔ, ke nyɛ pɛtɛ he bɔ nɛ i jaje tsɔɔ nyɛ ɔ, ke pi ja a lɛɛ nyɛ he ye yaka gu.

1 Korintobi 15:2 ပူးပေါင်းရင်းမြစ်များ

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Efesobi 2:8

Mawu dloomi nya nɛ a he nyɛ yi wami akɛnɛ nyɛ he ye ɔ. Pi dengme ko nɛ nyɛ nitsɛmɛ nyɛ gbo he je; e ji nɔ́ nɛ Mawu ke nyɛ, bɔ nɛ pee nɛ nɔ ko nɔ ko ko fĩa.

1 Korintobi 1:18

Ejakaa nihi nɛ a hɛ mi miɔ nɛ e ma kpata a, buɔ sɛ gbi ɔ nɛ kɔɔ sɛumi tso ɔ he ɔ kaa kuasiahi a sane ko kɛkɛ. Se wɔ nɛ a ngɛ wa yi wami hee ɔ, wɔɔ lɛɛ e ji Mawu he wami ha wɔ.

Yakobo 2:26

Lɔ ɔ he ɔ, kaa bɔ nɛ ke mumi je nɔmlɔ tso ɔ mi nɛ e plɛɔ nɔ́ gbogboe ɔ, jã hemi kɛ yemi nɛ ní tsumi piɛ we he ɔ peeɔ hemi kɛ yemi gbogboe.

Yakobo 2:14

Ye nyɛmimɛ, ke nɔ ko ke e ngɛ hemi kɛ yemi, se e ní peepee tsɔɔ we ja a, mɛni se nami ngɛ he? Anɛ jamɛ a hemi kɛ yemi ɔ ma nyɛ he e yi wami lo?

Hebribi 10:23

Nɔ́ nɛ wa ngɔ wa hɛ ngɔ fɔ nɔ, nɛ wa yeɔ he odase ɔ, nyɛ ha waa pɛtɛ he nɛ wa nɛ wa ko mimiɛ, ejakaa Mawu nɛ wo si ɔ, anɔkualetsɛ ji lɛ.

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Yakobo 2:17

Hemi kɛ yemi hu ja nɔuu e ngɛ; ke ní tsumi piɛ we he ɔ, e ji hemi kɛ yemi nɛ gbo.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

2 Tesalonikabi 2:15

Lɔ ɔ he ɔ, nyɛmimɛ, nyɛɛ da si kpɛii! Anɔkuale ɔ nɛ wa tsɔɔ nyɛ ɔ, níhi nɛ wa de nyɛ, kɛ ní nɛmɛ nɛ wa ngma nyɛ ɔ, nyɛɛ pɛtɛ he wawɛɛ.

Galatabi 3:4

Amanehlu babauu nɛ nyɛ na a, anɛ e maa pee yaka? Dɛbi! I he we yi!

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Abɛ Womi 4:13

Kai slɔmi gbi nɛ a ha mo ɔ daa; koo ngmɛɛ he. Lɔ ɔ ji o wami.

Abɛ Womi 3:1

Ye bi, níhi nɛ i tsɔɔ mo ɔ, o hɛ ko je a nɔ; o hɛ nɛ hi mlaahi nɛ i wo mo ɔ a nɔ be tsuaa be.

2 Korintobi 2:15

Ejakaa wa ngɛ kaa tsopa kɛ e he via liliili nɛ Kristo kɛ sãã bɔ ha Mawu. Wa nɔ nɛ a guu kɛ fiɛɔ sane kpakpa a nɛ kɔɔ Kristo he ɔ kɛ haa je ɔ tsuo, nihi nɛ ngɛ blɔ nɔ kɛ yaa neneene wami mi, kɛ ni nɛmɛ nɛ ngɛ blɔ nɔ kɛ yaa hɛ mi kpatami mi.

1 Korintobi 15:14

Ke a tle we Kristo si kɛ bɛ wami mi ekohu ɔ, lɛɛ wa fiɛmi ɔ pee yaka; nɛ nyɛ hemi kɛ yemi ɔ hu pee yaka.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

Romabi 11:22

Enɛ ɔ tsɔɔ wɔ kaa Mawu mi mi hi, se e sane wa hulɔ. Nihi nɛ gbee si ɔ, e kɛ mɛ to ní; se nyɛɛ lɛɛ e mi mi jɔ ha nyɛ, nɛ e sa kaa nyɛɛ ya nɔ kikɛ nɛ ɔ. Ke pi jaa, a ma kplɔ nyɛ kɛ pue si ja nɔuu.

Ni Tsumi 8:13

Simon nitsɛ hu he ye, nɛ a sɔle lɛ. Lɔ ɔ se ɔ, e kɛ Filipo bɔni nyɛɛmi. Benɛ Simon na okadihi, kɛ he wami ní nguanguahi nɛ a pee ɔ, e nya kpɛ e he.

Ni Tsumi 2:47

A jeɔ Mawu yi be tsuaa be, nɛ ni ɔmɛ tsuo ná a he bua jɔmi babauu. Daa ligbi ɔ, nihi nɛ Nyɔmtsɛ ɔ he a yi wami ba piɛɔ asafo ɔ he.

Abɛ Womi 23:23

Anɔkuale yemi, nile, tsɔsemi, kɛ sane se kɔmi a he jua wa saminya; e sa kaa a di se nɛ a ko ngmɛɛ he.

1 Korintobi 11:2

I ngɛ nyɛ yi jee, ejakaa nyɛ kaiɔ ye ní peepee, kɛ níhi nɛ i tsɔɔ nyɛ ɔ daa. Tsɔɔmihi nɛ i na kɛ je nihi a dɛ, nɛ imi hu i ngɔ kɛ ha nyɛ ɔ, nyɛ pɛtɛ he.