1 Korintobi 15:19 - BAIBLO ALOO NGMAMI KLƆUKLƆU Ɔ

¹⁹ Ke wami nɛ ɔ mi kɛkɛ he nɛ wa ngɔ wa hɛ ngɔ fɔ Kristo nɔ ngɛ ɔ, lɛɛ wa ní ngɛ mɔbɔ pe nihi tsuo.

Somi He Ɔ

¹⁹ Ke wami nɛ ɔ mi kɛkɛ wa hɛ ngɛ Kristo nɔ ngɛ ɔ, wa ni ngɛ mɔbɔ pe nimli kulaa.

1 Korintobi 15:19 ပူးပေါင်းရင်းမြစ်များ

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

2 Timoteo 3:12

Niinɛ, nɔ tsuaa nɔ nɛ hlaa kaa e pee e he Mawu jalɔ nɛ le Kristo Yesu ɔ, a maa wa lɛ yi mi.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

Luka 8:14

Wuhi nɛ ya pue mio mi ɔ daa si ha nihi nɛ nuɔ munyu ɔ, nɛ a heɔ yeɔ hulɔ. Se pee se ɔ, je nɛ ɔ mi haomi, kɛ ní nami, kɛ níhi nɛ ngɔɔ nɔ nya haa nɛ a hemi kɛ yemi gboɔ. Kɛkɛ ɔ, ní tsumi nɛ sa kaa a tsu kɛ gu hemi kɛ yemi nɔ ɔ, a nyɛ we nɛ a tsuɔ.

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Fiɛlɔ 6:11

Munyu fuu ɔ, se nami be he.

2 Timoteo 2:4

Ke ta bulɔ ngɛ ta hwue ɔ, e suɔ kaa e maa pee nɔ́ nɛ maa sa e tatsɛ ɔ hɛ mi be tsuaa be; lɔ ɔ he ɔ, e peeɔ klaalo kɛ haa e tatsɛ ɔ pɛ; e kɛ e he wui ma mi sanehi a mi.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

La 17:14

Jé mi kɛ je nihi nɛ ná je nɛ ɔ mi níhi tsuo nɛ a ngɛ hlae ɔ a dɛ mi. Ngɔɔ haomihi nɛ o ngɔ to ha mɛ ɔ kɛ gbla a tue. Ha nɛ a bimɛ ba na haomi ɔ bɔ nɛ sa, nɛ eko nɛ piɛ ha a bibimɛ.

Fiɛlɔ 9:9

Be bɔɔ nɛ Mawu ha mo ngɛ zugba nɛ ɔ nɔ ɔ, o kɛ o yo nɛ o suɔ lɛ saminya a, nyɛɛ ye e mi ngɔɔmi. Daa ligbi nɛ nɔ́ ko be mi ɔ, nyɛɛ ye mle. Ejakaa dengme tsuo nɛ o ngɛ gboe ɔ, nɔ́ nɛ o ma na kɛ je mi ji lɔ ɔ nɛ.