1 Korintobi 15:12 - BAIBLO ALOO NGMAMI KLƆUKLƆU Ɔ

¹² Jehanɛ ɔ, akɛnɛ wa sɛ gbi ɔ ji kaa Mawu tle Kristo si kɛ je gbeje ɔ, mɛni he je nyɛ ti ni komɛ deɔ ke a be ni gbogboehi si tlee kɛ ba wami mi ɔ?

Somi He Ɔ

¹² Jehanɛ ke a fiɛ ngɛ Kristo he kaa a tle lɛ si kɛ je gbeje ɔ, mɛni he je nɛ nyɛ ti ni komɛ deɔ ke ni gbogboehi a si temi ko be ɔ?

1 Korintobi 15:12 ပူးပေါင်းရင်းမြစ်များ

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Ni Tsumi 23:8

(Saduki bi deɔ ke ni gbogboehi be si tee kɛ ba wami mi ekohu. A deɔ hu ke hiɔwe bɔfo ko be ɔ, mumi ko hu be. Se Farisi bi lɛɛ a heɔ ni etɛ nɛ ɔmɛ tsuo yeɔ.)

Ni Tsumi 26:8

Jehanɛ, nyɛ Yuda bi nɛ nyɛ ngɛ hiɛ ɔ, mɛni he je nyɛ he we yi kaa Mawu ma nyɛ ma tle ni gbogboehi si ɔ?

1 Korintobi 15:11

Lɔ ɔ he ɔ, imi jio, mɛ jio, e hia we kulaa; nɔ́ nɛ he hia kɛkɛ ji kaa wɔ tsuo wa fiɛ Mawu sɛ gbi ɔ ngɔ ha nyɛ, nɛ nyɛ he ye.

2 Tesalonikabi 2:17

e wo nyɛ bua, nɛ e ha nyɛ he wami nɛ nyɛ tsu ní kpakpa, nɛ nyɛɛ tu munyu kpakpa daa.

2 Timoteo 2:18

A tla blɔ kɛ je anɔkuale ɔ he, nɛ a ngɛ dee ke be ɔ nɛ gbogboehi maa te si kɛ je gbeje ɔ be momo. A ngɔ munyu nɛ ɔmɛ kɛ ngɛ Kristo we bi babauu a hemi kɛ yemi hɛ mi kpatae.