1 Korintobi 14:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, ye nyɛmimɛ, ke i ba nyɛ ngɔ nɛ i ba ngɛ gbi slɔɔtohi tue ɔ, nyɛ ma na he se ko lo? Dɛbi! Ja i ngɔ nɔ́ ko nɛ Mawu je tsɔɔ mi ba ha nyɛ; ja i ngɔ nile, loo sɛ gbi pɔtɛɛ, loo tsɔɔmi ko ba ha nyɛ.

Somi He Ɔ

⁶ Jehanɛ, mamimɛ, ke i ba nyɛ ngɔ ba tu munyu kɛ lilɛ slɔɔtohi nɛ pi kpo jemi loo ni lemi loo gbami loo ni tsɔɔmi ko ɔ, mɛni se i haa nyɛ naa?

1 Korintobi 14:6 ပူးပေါင်းရင်းမြစ်များ

Efesobi 1:17

nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.

2 Timoteo 3:16

Ngmami tsuaa ngmami ɔ, Mawu mumi ɔ lɛ ha nɛ nihi ngma; nɛ e hi kɛ ha ní tsɔɔmi, kɛ ha hɛ mi kami, kɛ ha nɔ dlami, kɛ tsɔsemi nɛ ma ha nɔ nɛ ba e je mi saminya.

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

1 Korintobi 14:1

Lɔ ɔ he ɔ, nyɛɛ bɔ suɔmi he mɔde pe nɔ́ tsuaa nɔ́. Nyɛɛ di mumi mi nike níhi a se, titli ɔ, Mawu sɛ gbi ɔ fiɛmi.

2 Yohane 1:9

Nɔ tsuaa nɔ nɛ maa je Kristo sane kpakpa a se ya tsɔɔ nɔ́ kpa a, e li Mawu. Nɔ nɛ tsɔɔ sane kpakpa a pɛpɛɛpɛ kaa bɔ nɛ e ngɛ kɛ je sisije ɔ, jamɛ a nɔ ɔ le Tsɛ ɔ, kɛ Bi ɔ tsuo.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

2 Petro 1:5

Enɛ ɔ tutuutu he je ɔ, nyɛɛ bɔ mɔde wawɛɛ nɛ nyɛɛ ngɔ kpakpa peemi ngɔ piɛ nyɛ hemi kɛ yemi ɔ he; nyɛɛ ngɔ nile ngɔ piɛ kpakpa peemi ɔ he.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

2 Timoteo 3:10

Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.

2 Timoteo 2:14

Kaii mɛ kikɛmɛ a ní nɛ ɔmɛ. Bɔɔ mɛ kɔkɔ ngɛ Nyɔmtsɛ ɔ hɛ mi ke a ko pɛ ngɛ munyuhi a he, ejakaa nɔ́ kpakpa ko ji mi kɛ bɛ, se mohu jamɛ a munyu ɔmɛ gbeɔ e nuli ɔmɛ a hemi kɛ yemi.

Filipibi 3:15

Wɔ nihi tsuo nɛ wa wa ngɛ mumi mi ɔ, juɛmi nɛ ɔ lɛ sa kaa waa hɛɛ. Se ke nyɛ ti ni komɛ ngɛ nɔ́ kpa susue ɔ, Mawu ma je lɔ ɔ hu kpo paa kɛ tsɔɔ nyɛ.

Efesobi 3:4

Ke nyɛ kane nɔ́ nɛ i ngma a saminya a, yi mi nɛ Mawu to ngɛ laami mi, nɛ Kristo ha nɛ e ba mi ɔ, nyɛ maa na bɔ nɛ i nu sisi ha.

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

2 Korintobi 12:1

Ma ya nɔ ma fĩa kɛ̃, pohu se nami ko be he. Jehanɛ lɛɛ nɔ́ nɛ he munyu nɛ ma tu ji bɔ nɛ Nyɔmtsɛ Yesu Kristo je e he kpo tsɔɔ mi, kɛ e suɔmi nya níhi nɛ e tsɔɔ ke ma pee.

2 Korintobi 11:6

Ke i li munyu tumi tete po, lɔ ɔ tsɔɔ we kaa i li nɔ́ ko nɔ́ ko. Nɔ́ nɛ i ngɛ dee nɛ ɔ, nyɛ nitsɛmɛ nyɛ le, ejakaa wa ye he odase si abɔ ngɔ tsɔɔ nyɛ.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

Romabi 15:14

Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Mateo 16:17

Yesu de lɛ ke, “Simon, Yona bi, a gbaa mo! Ejakaa pi nɔmlɔ adesa nɛ je enɛ ɔ tsɔɔ mo; se Tsaatsɛ nɛ ngɛ hiɔwe ɔ.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.

1 Korintobi 14:7

Ní komɛ kaa bɛ, aloo saku nɛ wami be a mi po ke a ngɛ pɛe ɔ, ja e mi tsɔ loko nɔ ko nɛ ngɛ tue bue ɔ maa le la a mi tso.