1 Korintobi 14:4 - BAIBLO ALOO NGMAMI KLƆUKLƆU Ɔ

⁴ Ke nɔ ko ngɛ gbi slɔɔtohi tue ɔ, lɛ nitsɛ e he mɔde nɛ e ngɛ bɔe, konɛ e wa ngɛ mumi mi. Se nɔ nɛ fiɛɔ Mawu sɛ gbi ɔ lɛɛ asafo ɔ tsuo nɔ yami he mɔde e ngɛ bɔe.

Somi He Ɔ

⁴ Nɔ nɛ tuɔ munyu kɛ lilɛ slɔɔto ko ɔ, yeɔ buaa lɛ nitsɛ e he, se nɔ nɛ gbaa a, e yeɔ buaa asafo ɔ.

1 Korintobi 14:4 ပူးပေါင်းရင်းမြစ်များ

1 Korintobi 14:22

Lɔ ɔ he ɔ, gbi slɔɔtohi a tumi ji okadi kɛ ha nihi nɛ he we yi, pi ni nɛmɛ nɛ heɔ yeɔ. Sane kpakpa a fiɛmi lɛɛ nihi nɛ heɔ yeɔ ɔ a we okadi ji lɔ ɔ nɛ, pi ni nɛmɛ nɛ he we yi.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

Marko 16:17

Ni nɛmɛ nɛ ma he ye ɔ, a ma ha mɛ he wami nɛ a kɛ maa pee nyakpɛ ní nɛ ɔmɛ: a maa hia mumi yayamihi ngɛ ye biɛ mi; a maa tu munyu ngɛ gbi kpahi a mi;

1 Korintobi 14:12

Akɛnɛ nyɛ nitsɛmɛ hu ja nɔuu kɛ̃ nyɛ hɛ dɔɔ ngɛ mumi mi níhi a he ɔ, nyɛɛ bɔ ní nɛmɛ nɛ ma ha asafo ɔ maa ya nɔ ɔ a he mɔde wawɛ.

1 Korintobi 14:5

I ná nɛ nyɛ tsuo nyɛ tuɔ gbi slɔɔtohi, se nɔ́ nɛ i ko suɔ pe kulaa mohu ji kaa nyɛɛ fiɛ Mawu sɛ gbi ɔ. Nɔ nɛ fiɛɔ Mawu sɛ gbi ɔ, e he ngɛ se nami pe nɔ nɛ tuɔ gbi slɔɔtohi; lɛɛ ja nɔ ko ngɛ lejɛ ɔ, nɛ ma nyɛ tsɔɔ nɔ́ nɛ a ngɛ dee ɔ sisi, konɛ asafo ɔ tsuo nɛ na he se.

1 Korintobi 14:3

Se nɔ nɛ ngɛ Mawu sɛ gbi ɔ fiɛe ɔ lɛɛ nimli nɛ e kɛ ngɛ munyu tue; e piɛɔ a he, e woɔ mɛ he wami, nɛ e haa mɛ bua jɔmi.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

1 Korintobi 12:10

Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 13:1

Ke i nyɛɔ nɛ i tuɔ adesahi a gbihi, loo hiɔwe bɔfohi po a gbihi, se i be suɔmi ɔ, lɛɛ i ngɛ kaa gɔ̃gɔ̃, loo ngmlɛ nɛ ngɛ pɛe gegeege kɛkɛ.