1 Korintobi 14:31 - BAIBLO ALOO NGMAMI KLƆUKLƆU Ɔ

³¹ Nyɛ tsuo nyɛ ma nyɛ maa fiɛ Mawu sɛ gbi ɔ kakaaka, konɛ nɔ tsuaa nɔ nɛ kase ní, nɛ e ya nɔ.

Somi He Ɔ

³¹ Ejakaa nyɛ tsuo nyɛ maa gba, kakaaka, konɛ nɔ tsuaa nɔ nɛ kase nɔ ko nɛ a tu munyu ngɔ tsɔɔ nihi kulaa kɛ wo mɛ he wami.

1 Korintobi 14:31 ပူးပေါင်းရင်းမြစ်များ

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

1 Tesalonikabi 5:11

Lɔ ɔ he ɔ, nyɛɛ wo nyɛ sibi he wami, nɛ nyɛɛ ye bua nyɛ sibi kaa bɔ nɛ nyɛ ngɛ pee amlɔ nɛ ɔ.

1 Tesalonikabi 4:18

Lɔ ɔ he ɔ, nyɛɛ kɛ kikɛmɛ a munyu nɛ ɔmɛ nɛ wo nyɛ sibi a bua.

Efesobi 6:22

I je blɔ ngɛ lɛ nyɛ ngɔ tsɔe, konɛ nyɛɛ nu wa he bɔ nɛ wa ngɛ, konɛ nyɛ hu e wo nyɛ bua.

2 Korintobi 1:4

E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

1 Korintobi 14:35

Ke nɔ́ ko ngɛ nɛ a ngɛ hlae nɛ a le ɔ, a bi a hunomɛ ngɛ we mi. Ke asafo ɔ ba bua nɛ a ngɛ Mawu jae ɔ, e ji zo kaa yo maa tu munyu.

1 Korintobi 14:19

Se kɛ̃ ɔ, ke asafo ɔ ba bua a, imi lɛɛ i ko suɔ nɛ ma tu munyungu kakaaka enuɔ nɛ sisi numi ngɛ he nɛ ma kɛ tsɔɔ ní pe kaa ma tu munyungu akpeakpe ngɛ gbi slɔɔtohi a mi.

1 Korintobi 14:3

Se nɔ nɛ ngɛ Mawu sɛ gbi ɔ fiɛe ɔ lɛɛ nimli nɛ e kɛ ngɛ munyu tue; e piɛɔ a he, e woɔ mɛ he wami, nɛ e haa mɛ bua jɔmi.

Romabi 1:12

I ngɛ tsɔɔe kaa i kɛ nyɛ tsuo waa ngɔ hemi kɛ yemi nɛ wa ngɛ ɔ kɛ wo wa sibi he wami.

Abɛ Womi 9:9

Tsɔɔ ní lelɔ ní, nɛ e nile ɔ mi ma blɛke kɛ ya nɔ; tsɔɔ dalɔ ní, nɛ e maa kase nɔ́ ko kɛ je mi kɛ piɛ nɔ́ nɛ e le momo ɔ he.

Abɛ Womi 1:5

Ke ní lelɔ nu abɛ nɛ ɔmɛ ɔ, e nile ɔ maa hiɛ kɛ pue nɔ; juɛmitsɛ hu e juɛmi ɔ mi ma blɛke pe kekle ɔ,

1 Korintobi 14:30

Se ke nɔ ko hii si ngɛ lejɛ ɔ nɛ Mawu je nɔ́ ko tsɔɔ lɛ ɔ, nɔ nɛ ngɛ munyu tue ɔ nɛ kpa.

1 Korintobi 14:32

Nɔ nɛ a dloo lɛ Mawu sɛ gbi ɔ fiɛmi ɔ, e hia kaa e hyɛ e munyu tumi saminya, nɛ e le he nɛ sa kaa e tu munyu kɛ ya si.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

1 Tesalonikabi 5:20

Nyɛ kó ha gbali ɔmɛ a sɛ gbi nɛ pee nyɛ tai.