1 Korintobi 14:30 - BAIBLO ALOO NGMAMI KLƆUKLƆU Ɔ

³⁰ Se ke nɔ ko hii si ngɛ lejɛ ɔ nɛ Mawu je nɔ́ ko tsɔɔ lɛ ɔ, nɔ nɛ ngɛ munyu tue ɔ nɛ kpa.

Somi He Ɔ

³⁰ Se ke a je nɔ ko kpo tsɔɔ nɔ ko nɛ hii si ɔ, nɔ nɛ ngɛ munyu ɔ tue ɔ e jɔɔ tumi.

1 Korintobi 14:30 ပူးပေါင်းရင်းမြစ်များ

Hiob 32:11

Benɛ nyɛ ngɛ ní sɛɛe, nɛ nyɛ ti nɔ tsuaa nɔ ngɛ mɔde bɔe kaa e maa tu nile munyu ɔ, i ngmɛ dii, nɛ i ngɛ nyɛ tue bue.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

1 Korintobi 14:6

Lɔ ɔ he ɔ, ye nyɛmimɛ, ke i ba nyɛ ngɔ nɛ i ba ngɛ gbi slɔɔtohi tue ɔ, nyɛ ma na he se ko lo? Dɛbi! Ja i ngɔ nɔ́ ko nɛ Mawu je tsɔɔ mi ba ha nyɛ; ja i ngɔ nile, loo sɛ gbi pɔtɛɛ, loo tsɔɔmi ko ba ha nyɛ.

1 Korintobi 14:29

Ni enyɔ, loo etɛ nɛ ná Mawu sɛ gbi ɔ nɛ a tu munyu, konɛ ni nɛmɛ nɛ piɛ ɔ nɛ a susu he.

1 Korintobi 14:31

Nyɛ tsuo nyɛ ma nyɛ maa fiɛ Mawu sɛ gbi ɔ kakaaka, konɛ nɔ tsuaa nɔ nɛ kase ní, nɛ e ya nɔ.