1 Korintobi 14:3 - BAIBLO ALOO NGMAMI KLƆUKLƆU Ɔ

³ Se nɔ nɛ ngɛ Mawu sɛ gbi ɔ fiɛe ɔ lɛɛ nimli nɛ e kɛ ngɛ munyu tue; e piɛɔ a he, e woɔ mɛ he wami, nɛ e haa mɛ bua jɔmi.

Somi He Ɔ

³ Nɔ nɛ gbaa a, nimli e gbaa ngɔ tsɔɔ konɛ e kɛ ha a nane nɛ nu si nɛ e bɔ mɛ kɔkɔ nɛ e jɔɔ a bua.

1 Korintobi 14:3 ပူးပေါင်းရင်းမြစ်များ

1 Korintobi 14:12

Akɛnɛ nyɛ nitsɛmɛ hu ja nɔuu kɛ̃ nyɛ hɛ dɔɔ ngɛ mumi mi níhi a he ɔ, nyɛɛ bɔ ní nɛmɛ nɛ ma ha asafo ɔ maa ya nɔ ɔ a he mɔde wawɛ.

1 Timoteo 4:13

Yaa nɔ nɛ o hi ngmami ɔ kanee ha asafo ɔ; hii munyu ɔ fiɛe, nɛ o hi mɛ ní nɛ ɔmɛ tsɔɔe kɛ yaa si be nɛ ma ba.

Yuda 1:20

Se nyɛ ye nyɛmimɛ nɛ i suɔ! Nyɛɛ lɛɛ nyɛɛ hɛɛ nyɛ hemi kɛ yemi klɔuklɔu ɔ mi wawɛɛ nɛ nyɛ nane nɛ pi si ngɛ mi. Nyɛɛ sɔle ngɛ Mumi Klɔuklɔu ɔ he wami ɔ nya.

Tito 1:9

Anɔkuale ɔ nɛ a tsɔɔ lɛ, nɛ e he ye ɔ, e hɛɛ mi wawɛɛ. Ke e pee jã loko lɛ hu e ma nyɛ tsɔɔ ni kpahi ní nɛ he tsɔ saminya. Kɛkɛ ɔ, nihi nɛ teɔ si siɔ anɔkuale ɔ, e maa tsɔɔ mɛ a tɔmi.

Efesobi 6:22

I je blɔ ngɛ lɛ nyɛ ngɔ tsɔe, konɛ nyɛɛ nu wa he bɔ nɛ wa ngɛ, konɛ nyɛ hu e wo nyɛ bua.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

Tito 2:6

Nihewi ɔmɛ hu, tu munyu kɛ tsɔɔ mɛ jã nɔuu, konɛ a nyɛ nɛ a ye a he nɔ saminya.

1 Korintobi 14:31

Nyɛ tsuo nyɛ ma nyɛ maa fiɛ Mawu sɛ gbi ɔ kakaaka, konɛ nɔ tsuaa nɔ nɛ kase ní, nɛ e ya nɔ.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

Ni Tsumi 13:15

Benɛ a kane Mose mlaa a, kɛ gbali ɔmɛ a womi ɔ se ɔ, kpe he ɔ nikɔtɔma amɛ tsɔ ba de Paulo kɛ Barnaba ke, “Nyɛmimɛ, ke nyɛ ngɛ munyu ko nɛ maa wo ni ɔmɛ he wami ɔ, nyɛɛ tu.”

Tito 2:9

Tu munyu kɛ tsɔɔ nyɔguɛ ɔmɛ nɛ a ba a he si ha a nyɔmtsɛmɛ ɔmɛ, nɛ a sa a hɛ mi ngɛ nɔ́ tsuaa nɔ́ mi. A ko je munyu nya,

1 Tesalonikabi 2:3

Lɔ ɔ he ɔ, nyɛ maa na kaa munyu nɛ wa kɛ ba fɔ nyɛ hɛ mi ɔ, pi mu ní tsumi, loo juɛmi yayami mi nɛ e je; wa bɛ nɛ wa ba sisi nyɛ.

1 Korintobi 10:23

Nyɛ deɔ ke, “Wa ngɛ he blɔ kaa wa peeɔ nɔ́ tsuaa nɔ́.” Saminya! Se pi nɔ́ tsuaa nɔ́ nɛ he ngɛ se nami. “Wa ngɛ he blɔ kaa wa peeɔ nɔ́ tsuaa nɔ́.” Niinɛ! Se pi nɔ́ tsuaa nɔ́ peemi nɛ ma ha Kristo asafo ɔ maa ya nɔ.

1 Petro 5:12

I ngɛ nyɛ womi kpiti nɛ ɔ ngmae kɛ gu Silvano nɔ. I buu wa nyɛmi nɛ ɔ saminya kaa Kristo se nyɛɛlɔ nɛ yeɔ anɔkuale. I ngɛ nyɛ he wami woe, nɛ i ngɛ nɔ mi mae ngɛ dee ke Mawu dloomi nitsɛnitsɛ ji nɛ ɔ nɛ. Nyɛɛ pɛtɛ he wawɛɛ.

Hebribi 13:22

Ye nyɛmimɛ, womi nɛ i ngma nyɛ nɛ ɔ nya kɛ we kulaa, lɔ ɔ he ɔ, i kpa nyɛ pɛɛ nɛ nyɛɛ ye slɔmi ɔmɛ a nɔ.

Hebribi 10:25

Nyɛ ko ha wa jɔɔ wa he nya buami kaa bɔ nɛ ni komɛ hlaa peemi ɔ. Mohu ɔ, nyɛ ha waa ya nɔ nɛ waa wo wa sibi he wami wawɛɛ, titli ɔ, akɛnɛ nyɛ le kaa Nyɔmtsɛ ɔ bami be ɔ su ta a.

Tito 2:15

Tsɔɔ o we bi ɔmɛ ní nɛ ɔmɛ, nɛ o ngɔ he blɔ nɛ o ngɛ ɔ tsuo kɛ wo mɛ he wami, nɛ o kɛ ka a hɛ mi hulɔ. Ko ha nɛ nɔ ko nɛ gbe o he guɛ.

1 Timoteo 6:2

Nyɔguɛhi nɛ le Kristo, nɛ a nyɔmtsɛmɛ ɔmɛ hu le Kristo ɔ, a ko susu kaa akɛnɛ mɛ tsuo Kristo we bi ji mɛ he je ɔ, e hia we kaa a buɔ a nyɔmtsɛmɛ ɔmɛ tue. Mɛ mohu nɛ e sa kaa a bu a nyɔmtsɛmɛ ɔmɛ, nɛ a sɔmɔ mɛ saminya; ejakaa a nyɔmtsɛmɛ ɔmɛ nɛ naa a he se ɔ, mɛ hu wa nyɛmimɛ Kristo we bi ji mɛ. Tsɔɔ mɛ ní nɛ ɔmɛ, nɛ a tsu he ní bɔ nɛ sa.

1 Timoteo 1:4

De jamɛ a lakpa tsɔɔli ɔmɛ ke, sanehi nɛ be mi, kɛ weku kpa tslalaa se dimi ɔ, a jɔɔ be puɛmi ngɛ he. Ní nɛ ɔmɛ ɔ, nya sami nɛ se nami be he nɛ a kɛ baa; blɔ nya nɛ Mawu to kɛ ha wɔ ɔ lɛɛ ní nɛ ɔmɛ kɔ we he kulaa; hemi kɛ yemi kɛkɛ a kɛ leɔ.

2 Tesalonikabi 3:12

Wa ngɛ kikɛmɛ a nimli nɛ ɔmɛ mlaa woe, nɛ wa ngɛ mɛ kɔkɔ bɔe ngɛ Nyɔmtsɛ Yesu Kristo biɛ mi kaa a ba a je mi saminya, nɛ a kɛ a nine nguɛ nyɔngma nɛ tsu ní nɛ a ye.

1 Tesalonikabi 4:18

Lɔ ɔ he ɔ, nyɛɛ kɛ kikɛmɛ a munyu nɛ ɔmɛ nɛ wo nyɛ sibi a bua.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

1 Tesalonikabi 2:11

Nyɛ le bɔ nɛ waa kɛ nyɛ ti nɔ tsuaa nɔ hi si kaa tsɛ kɛ e bi.

Kolosebi 4:8

Enɛ ɔ he i ngɛ lɛ nyɛ ngɔ tsɔe, konɛ nyɛɛ nu wa he, bɔ nɛ wa ngɛ ha, konɛ nyɛ hu e ba wo nyɛ bua.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

2 Korintobi 2:7

Jehanɛ lɛɛ nyɛɛ ngɔ e he yayami kɛ pa lɛ, nɛ nyɛɛ wo lɛ bua, konɛ e ko ba ye kɔmɔ tsɔ, nɛ e kɔni mi ba jɔ̃.

2 Korintobi 1:4

E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

1 Korintobi 14:17

Moo o ngɛ Mawu si nae saminya mohu, se nɔ kpa a lɛɛ o ha we nɛ e na he se ko kulaa.

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

Romabi 15:2

Mohu ɔ, wa ti nɔ tsuaa nɔ nɛ pee nɔ́ nɛ hi nɛ maa sa e nyɛmi hɛ mi, konɛ e nyɛmi ɔ nɛ na hemi kɛ yemi nɛ pi si.

Romabi 12:8

Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.

Ni Tsumi 15:32

Yuda, kɛ Sila nɛ a nya mi tsɔ kɛ Mawu munyu fiɛmi ɔ, tu munyu babauu kɛ wo nyɛmimɛ ɔmɛ bua kɛ he wami.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Ni Tsumi 9:31

Bɔ nɛ pee nɛ asafo ɔmɛ nɛ ngɛ Yudea, Galilea, kɛ Samaria tsuo na tue mi jɔmi ji nɛ ɔ nɛ. Nyɔmtsɛ ɔ gbeye yemi ngɛ asafo ɔmɛ a mi. Enɛ ɔ he je ɔ, Mumi Klɔuklɔu ɔ wo asafo ɔmɛ he wami, nɛ a ya nɔ, nɛ nihi babauu ba piɛ a he.

Luka 3:18

Yohane gu blɔ slɔɔtohi a nɔ nɛ e kɛ wo ni ɔmɛ he wami benɛ e ngɛ sane kpakpa a fiɛe ɔ.

Hebribi 3:13

Mohu ɔ, nyɛɛ kɛ nyɛ sibi nɛ tu he wami womi munyu daa ligbi nɛ nyɛ ma nyɛ ma de ke “mwɔnɛ ɔ.” Kɛkɛ ɔ, yayami be nyɛ ti nɔ ko sisie nɛ e gbo Mawu tue.

Ni Tsumi 4:36

Bɔ nɛ ba loko Yosef ya jua e zugba nɛ e ngɔ sika a ba ha bɔfo ɔmɛ ji nɛ ɔ nɛ. Yosef nɛ ɔ, Levi no ji lɛ; a fɔ lɛ ngɛ Kipro. Biɛ nɛ bɔfo ɔmɛ kɛ tsɛɔ lɛ ji Barnaba. E sisi ji nɔmlɔ nɛ woɔ nɔ he wami.