1 Korintobi 14:25 - BAIBLO ALOO NGMAMI KLƆUKLƆU Ɔ

²⁵ E tsui mi laami sanehi tsuo maa je kpo paa; e ma kpla si ma ja Mawu, nɛ e maa jaje ke, “Niinɛ, Mawu kɛ nyɛ ngɛ!”

Somi He Ɔ

²⁵ a ma je e tsui mi laami nihi a kpo paa nɛ lɔ ɔ ma ha e kɛ e hɛ mi ma bu si nɛ e ja Mawu, nɛ e maa jaje ke Mawu ngɛ nyɛ kpɛti niinɛ.

1 Korintobi 14:25 ပူးပေါင်းရင်းမြစ်များ

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.

Luka 17:16

E kɛ e hɛ mi ba bu si ngɛ Yesu nane nya, nɛ e na lɛ si. Se nyumu ɔ, Samaria no ji lɛ.

Luka 8:28

Benɛ e na Yesu ɔ, e hia ngmlaa nɛ e ho ya kpla si ngɛ e nane nya, nɛ e kɛ ngmlaa de ke, “Yesu, Hiɔwe Mawu No ɔ Bi! Mɛni sane i kɛ mo ngɛ? I kpa mo pɛɛ, koo hao mi!”

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

La 72:11

Matsɛmɛ ɔmɛ tsuo nɛ a ba kpla si ngɛ e hɛ mi, nɛ je ma amɛ tsuo nɛ a sɔmɔ lɛ!

Mose V, 9:18

Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Mose I, 44:14

Benɛ Yuda kɛ e nyɛmimɛ ɔmɛ ba Yosef we ɔ mi ɔ, Yosef ngɛ lejɛ ɔ kɛ mwɔɔ. Kɛkɛ nɛ a kpla si, nɛ a kɛ a hɛ mi bu si ngɛ e hɛ mi.

Kpojemi 19:4

Kɛkɛ nɛ nikɔtɔma nyingmi enyɔ kɛ eywiɛ ɔmɛ, kɛ hɛ kali eywiɛ ɔmɛ ngɔ a hɛ mi ngɔ bu si nɛ a ja Mawu nɛ hii si ngɛ e matsɛ sɛ ɔ nɔ ɔ, nɛ a de ke, “Amen! A je Mawu yi!”

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Yohane 4:19

Yo ɔ de Yesu ke, “Nyɔmtsɛ, i na kaa gbalɔ ji mo.

Ni Tsumi 4:13

Benɛ kpe ngua a mi bi ɔmɛ na kã nɛ Petro kɛ Yohane pee, nɛ a ná le hu kaa nimli gu kɛkɛ ji mɛ, se pi womi mi leli ɔ, a he mi po. A kɔ se kaa a kɛ Yesu hi si.

Samuel I, 9:19

Samuel de Saul ke, “Imi ji ní nalɔ ɔ nɛ; moo nyɛɛ ye hɛ mi nɛ waa ho jami he ɔ ya; ejakaa mwɔnɛ ɔ, nyɛɛ kɛ mi maa ye ní, nɛ hwɔɔ mɔtu ɔ, ma de mo níhi nɛ o ngɛ hlae nɛ o le ɔ tsuo, loko ma wo mo blɔ nɛ o ho.