1 Korintobi 14:22 - BAIBLO ALOO NGMAMI KLƆUKLƆU Ɔ

²² Lɔ ɔ he ɔ, gbi slɔɔtohi a tumi ji okadi kɛ ha nihi nɛ he we yi, pi ni nɛmɛ nɛ heɔ yeɔ. Sane kpakpa a fiɛmi lɛɛ nihi nɛ heɔ yeɔ ɔ a we okadi ji lɔ ɔ nɛ, pi ni nɛmɛ nɛ he we yi.

Somi He Ɔ

²² Lɔ ɔ he ɔ gbi slɔɔtohi ɔmɛ ɔ a pi okadi ha ninɛmɛ nɛ heɔ yeɔ, se mohu a ji okadi ha ninɛmɛ nɛ he we yi. Gbami ɔ, e pi ninɛmɛ nɛ he we yi ɔmɛ a nɔ, se mohu ninɛmɛ nɛ heɔ ye ɔmɛ a nɔ.

1 Korintobi 14:22 ပူးပေါင်းရင်းမြစ်များ

Marko 16:17

Ni nɛmɛ nɛ ma he ye ɔ, a ma ha mɛ he wami nɛ a kɛ maa pee nyakpɛ ní nɛ ɔmɛ: a maa hia mumi yayamihi ngɛ ye biɛ mi; a maa tu munyu ngɛ gbi kpahi a mi;

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

1 Korintobi 14:1

Lɔ ɔ he ɔ, nyɛɛ bɔ suɔmi he mɔde pe nɔ́ tsuaa nɔ́. Nyɛɛ di mumi mi nike níhi a se, titli ɔ, Mawu sɛ gbi ɔ fiɛmi.

Luka 12:46

Nyɔmtsɛ ɔ maa kpale kɛ ba tlukaa ligbi nɛ e tsɔlɔ ɔ hyɛ we lɛ blɔ, nɛ́ e hɛ be e he nɔ hulɔ. E maa gbla jamɛ a tsɔlɔ ɔ tue; e maa poo e mi kpɔ nya kpɔ nya kaa bɔ nɛ sa tue gbolɔ.