1 Korintobi 14:20 - BAIBLO ALOO NGMAMI KLƆUKLƆU Ɔ

²⁰ Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Somi He Ɔ

²⁰ Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

1 Korintobi 14:20 ပူးပေါင်းရင်းမြစ်များ

Nehemia 4:13

Lɔ ɔ he ɔ, i ngɔ nihi nɛ hɛɛ klaatehi, akplɔhi, kɛ kɛ̃ɛ̃hi ngɔ to gbogbo ɔmɛ a se hehi nɛ a gbi a fiami nya lolo ɔ. I ha buli nɛ ɔmɛ ya da si weku nya weku nya.

La 119:99

I nuɔ nɔ́ sisi pe ye tsɔɔli ɔmɛ tsuo, ejakaa o mlaa amɛ a he i susuɔ.

Yesaya 11:3

E maa ye Yawɛ gbeye. Pi nɔ́ nɛ e hɛngmɛ na, loo e tue nu ɔ nɛ e kɛ maa kojo.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 18:3

nɛ e de ke, “Niinɛ, i ngɛ nyɛ dee ke, ke nyɛ tsakee we nɛ nyɛɛ pee kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe.

Mateo 19:14

Kɛkɛ nɛ Yesu de ke, “Nyɛ ha nɛ jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji hiɔwe matsɛ yemi ɔ nɛ.”

Mateo 19:4

Yesu he nɔ ke, “Anɛ nyɛ kane we ngmami ɔ nɛ deɔ ke sisije ɔ, bɔlɔ ɔ bɔ adesa nyumu kɛ yo lo?

Marko 10:15

I ngɛ nyɛ dee anɔkuale mi ke, nɔ tsuaa nɔ nɛ he we Mawu matsɛ yemi ɔ kaa bɔ nɛ jokuɛ nyafii maa pee ɔ, e be mi sɛe kɔkɔɔkɔ.”

Luka 18:17

Niinɛ, i ngɛ nyɛ dee ke, nɔ tsuaa nɔ nɛ he we Mawu matsɛ yemi ɔ kaa jokuɛ nyafii ɔ, e be mi sɛe kulaa.”

Romabi 1:13

Ye nyɛmimɛ, i suɔ nɛ nyɛɛ le kaa i pee ye yi mi si abɔ kaa ma ba slaa nyɛ, konɛ ma ná yiblii komɛ ngɛ nyɛ kpɛti kaa bɔ nɛ i ná ngɛ ma je li kpa amɛ a kpɛti ɔ. Se kɛ ba si amlɔ nɛ ɔ, i na we blɔ.

Romabi 16:19

A nu nyɛ he ngɛ he tsuaa he kaa nyɛ pɛtɛ sane kpakpa a he wawɛɛ; nɔ́ nɛ ɔ ha nɛ i na nyɛ he bua jɔmi saminya. I suɔ kaa nyɛɛ le kpakpa, nɛ nyɛɛ pee; se yayami blɔ fa mi lɛɛ a ko nu nyɛ he kulaa.

1 Korintobi 13:11

Benɛ i ji jokuɛyo ɔ, i tuɔ munyu kaa jokuɛyo, i juɛɔ kaa jokuɛyo, nɛ i susuɔ kaa jokuɛyo. Se benɛ i ba wa a, i kpa jokuɛwi a ní peemi.

1 Korintobi 14:19

Se kɛ̃ ɔ, ke asafo ɔ ba bua a, imi lɛɛ i ko suɔ nɛ ma tu munyungu kakaaka enuɔ nɛ sisi numi ngɛ he nɛ ma kɛ tsɔɔ ní pe kaa ma tu munyungu akpeakpe ngɛ gbi slɔɔtohi a mi.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

Efesobi 4:13

Wɔ tsuo wa ma ba hɛɛ hemi kɛ yemi kake ɔ mi, nɛ wa maa le Mawu Bi ɔ saminya. Wa maa wa ngɛ mumi mi hluu kɛ yaa si wa maa pee kaa Kristo ɔ nitsɛ.

Filipibi 1:9

I ngɛ Mawu pɛɛ kpae kaa suɔmi nɛ nyɛ ngɛ kɛ ha nyɛ sibi ɔ mi nɛ wa, nɛ nyɛ ná nile nɛ ma ha nyɛ nɔ́ se kɔmi mumi,

Filipibi 3:15

Wɔ nihi tsuo nɛ wa wa ngɛ mumi mi ɔ, juɛmi nɛ ɔ lɛ sa kaa waa hɛɛ. Se ke nyɛ ti ni komɛ ngɛ nɔ́ kpa susue ɔ, Mawu ma je lɔ ɔ hu kpo paa kɛ tsɔɔ nyɛ.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.