1 Korintobi 14:2 - BAIBLO ALOO NGMAMI KLƆUKLƆU Ɔ

² Nɔ nɛ tuɔ gbi slɔɔtohi ɔ, pi adesa nɛ e kɛ ngɛ munyu tue, se Mawu, ejakaa nɔ ko nɔ ko nui sisi. Mumi ɔ he wami nɛ e kɛ ngɛ laami munyu ɔmɛ tue ɔ nɛ.

Somi He Ɔ

² Ejakaa nɔ nɛ tuɔ munyu kɛ lilɛ slɔɔto ko ɔ, pi nimli nɛ e kɛ ngɛ tue, se Mawu mohu, ejakaa nɔ ko nɔ ko nui, se mumi mi e ngɛ laami munyu ɔmɛ tue ngɛ.

1 Korintobi 14:2 ပူးပေါင်းရင်းမြစ်များ

Marko 16:17

Ni nɛmɛ nɛ ma he ye ɔ, a ma ha mɛ he wami nɛ a kɛ maa pee nyakpɛ ní nɛ ɔmɛ: a maa hia mumi yayamihi ngɛ ye biɛ mi; a maa tu munyu ngɛ gbi kpahi a mi;

Ni Tsumi 19:6

Paulo kɛ e nine pue a nɔ, kɛkɛ nɛ a na Mumi Klɔuklɔu ɔ. A tu munyu ngɛ gbihi nɛ a nui mi, nɛ a fiɛ Mawu sɛ gbi ɔ.

Ni Tsumi 10:46

Ejakaa a nu kaa a ngɛ ma se gbi slɔɔtohi tue, nɛ a ngɛ Mawu yi jee. Kɛkɛ nɛ Petro wo e gbi nɔ nɛ e de ke,

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

1 Korintobi 2:10

Se wɔɔ lɛɛ Mawu gu e mumi ɔ nɔ je laami sane ɔ kpo ngɔ tsɔɔ wɔ. Mumi ɔ hlaa níhi tsuo a mi; Mawu juɛmi nɛ mi kuɔ ɔ tete po, e hlaa mi.

Kpojemi 10:7

Se ke bɔfo kpaagone ɔ kpa e titimati ɔ, yi mi nɛ Mawu to ngɔ laa, nɛ e de e tsɔli nɛ ji gbali ɔmɛ ɔ, Mawu ma ha nɛ e ba mi.”

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

1 Timoteo 3:9

Anɔkuale nɛ kɔɔ hemi kɛ yemi nɛ Mawu je tsɔɔ ɔ he ɔ, á hɛɛ mi bɔ nɛ a he nile be mɛ fɔ bue.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Efesobi 6:19

Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

1 Korintobi 15:51

Nyɛɛ bu tue! Anɔkuale laami sane nɛ i ngɛ nyɛ dee nɛ ɔ nɛ. Wɔ tsuo wa be gboe! Se ke nyagbe titimati ɔ pɛ ɔ, a ma tsake wɔ tsuo amlɔ kaa a fiaa hɛngmɛ. Ejakaa ke titimati ɔ pɛ ɔ, ni gbogboe ɔmɛ maa te si, nɛ a be gboe hu gblegbleegble. Nɛ a ma tsake wɔ tsuo.

1 Korintobi 2:7

Nile nɛ i ngɛ fiɛe ɔ ji nyakpɛ nɔ́ ko nɛ Mawu ngɔ kɛ laa adesa. Loko a bɔ je ɔ, Mawu hla nile nɛ ɔ ngɔ to momo nɛ e kɛ wo wa hɛ mi nyami.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

Ni Tsumi 22:9

Nihi nɛ kɛ mi nyɛɛ ɔ na la a, se gbi ɔ nɛ kɛ mi tu munyu ɔ lɛɛ a nui.

Marko 4:11

E de mɛ ke, “Nyɛɛ lɛɛ a ha nyɛ he blɔ kaa nyɛɛ le laami sanehi nɛ ngɛ Mawu matsɛ yemi ɔ mi; se ni kpa amɛ lɛɛ abɛ gbi mi a deɔ mɛ sane ɔmɛ ngɛ,

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

La 78:2

Ma tu munyu ngɛ abɛ gbi mi; ma gba nyɛ blema nyakpɛ sanehi:

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Mose I, 42:23

A li tete kaa Yosef nu nɔ́ nɛ a ngɛ dee ɔ sisi; ejakaa benɛ a kɛ lɛ ngɛ munyu ɔ tue ɔ, nɔ ko je gbi nya ha mɛ.

Mose I, 11:7

Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

1 Korintobi 14:16

Ke o ngɛ Mawu si nae ngɛ mumi mi kɛkɛ ɔ, nɔ ko nɛ hii si ngɛ lejɛ ɔ, nɛ lɛɛ e li mi eko ɔ, kɛ e maa pee kɛɛ nɛ e ma de “Amen” ngɔ si o sina sɔlemi ɔ nɔ? Blɔ ko blɔ ko be nɛ e kɛ maa le nɔ́ nɛ o ngɛ dee ɔ.

Matsɛmɛ II, 18:26

Kɛkɛ nɛ Eliakim, Hilkia binyumu ɔ, kɛ Shebna, kɛ Yoa de Asiria matsɛ ɔ we asafoatsɛ ɔ ke, “Wa kpa mo pɛɛ nɛ o kɛ wɔ o tsɔli ɔmɛ nɛ tu Aram gbi, ejakaa wa nuɔ. O kɛ wɔ ko tu Hebri gbi, ejakaa ma a nɛ ngɛ gbogbo ɔ yi mi ɔ ngɛ wɔ tue bue.”

1 Korintobi 12:10

Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 13:1

Ke i nyɛɔ nɛ i tuɔ adesahi a gbihi, loo hiɔwe bɔfohi po a gbihi, se i be suɔmi ɔ, lɛɛ i ngɛ kaa gɔ̃gɔ̃, loo ngmlɛ nɛ ngɛ pɛe gegeege kɛkɛ.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.