1 Korintobi 14:17 - BAIBLO ALOO NGMAMI KLƆUKLƆU Ɔ

¹⁷ Moo o ngɛ Mawu si nae saminya mohu, se nɔ kpa a lɛɛ o ha we nɛ e na he se ko kulaa.

Somi He Ɔ

¹⁷ Moo lɛɛ, o ngɛ si nae saminya mohu, se kɛ ɔ, o yi bua we nɔ kpa a kulaa.

1 Korintobi 14:17 ပူးပေါင်းရင်းမြစ်များ

1 Korintobi 14:4

Ke nɔ ko ngɛ gbi slɔɔtohi tue ɔ, lɛ nitsɛ e he mɔde nɛ e ngɛ bɔe, konɛ e wa ngɛ mumi mi. Se nɔ nɛ fiɛɔ Mawu sɛ gbi ɔ lɛɛ asafo ɔ tsuo nɔ yami he mɔde e ngɛ bɔe.

1 Korintobi 14:6

Lɔ ɔ he ɔ, ye nyɛmimɛ, ke i ba nyɛ ngɔ nɛ i ba ngɛ gbi slɔɔtohi tue ɔ, nyɛ ma na he se ko lo? Dɛbi! Ja i ngɔ nɔ́ ko nɛ Mawu je tsɔɔ mi ba ha nyɛ; ja i ngɔ nile, loo sɛ gbi pɔtɛɛ, loo tsɔɔmi ko ba ha nyɛ.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

1 Korintobi 14:5

I ná nɛ nyɛ tsuo nyɛ tuɔ gbi slɔɔtohi, se nɔ́ nɛ i ko suɔ pe kulaa mohu ji kaa nyɛɛ fiɛ Mawu sɛ gbi ɔ. Nɔ nɛ fiɛɔ Mawu sɛ gbi ɔ, e he ngɛ se nami pe nɔ nɛ tuɔ gbi slɔɔtohi; lɛɛ ja nɔ ko ngɛ lejɛ ɔ, nɛ ma nyɛ tsɔɔ nɔ́ nɛ a ngɛ dee ɔ sisi, konɛ asafo ɔ tsuo nɛ na he se.

1 Korintobi 14:18

I naa Mawu si kaa i pe nyɛ tsuo ngɛ gbi slɔɔtohi a tumi mi.