1 Korintobi 14:12 - BAIBLO ALOO NGMAMI KLƆUKLƆU Ɔ

¹² Akɛnɛ nyɛ nitsɛmɛ hu ja nɔuu kɛ̃ nyɛ hɛ dɔɔ ngɛ mumi mi níhi a he ɔ, nyɛɛ bɔ ní nɛmɛ nɛ ma ha asafo ɔ maa ya nɔ ɔ a he mɔde wawɛ.

Somi He Ɔ

¹² Be abɔ nɛ nyɛ hɛ dɔɔ ngɛ mumi mi nihi a he ɔ, ja nɔuu hu nyɛɛ bɔ mɔde konɛ nyɛɛ be nɔ ngɛ nihi nɛ ma ha asafo ɔ maa wa a mi.

1 Korintobi 14:12 ပူးပေါင်းရင်းမြစ်များ

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

1 Korintobi 14:1

Lɔ ɔ he ɔ, nyɛɛ bɔ suɔmi he mɔde pe nɔ́ tsuaa nɔ́. Nyɛɛ di mumi mi nike níhi a se, titli ɔ, Mawu sɛ gbi ɔ fiɛmi.

1 Korintobi 12:31

Lɔ ɔ he ɔ, nyɛɛ bɔ nike níhi nɛ a he jua wa a a he mɔde. Se nɔ́ nɛ hi pe lɛ tsuo ji nɛ ɔ nɛ.

1 Korintobi 12:7

Mawu haa nɔ tsuaa nɔ okadi ko kɛ̃ nɛ tsɔɔ kaa e mumi ɔ ngɛ nɔ ɔ mi, konɛ nɔ ɔ kɛ tsu ní ha asafo ɔ tsuo.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

1 Korintobi 14:5

I ná nɛ nyɛ tsuo nyɛ tuɔ gbi slɔɔtohi, se nɔ́ nɛ i ko suɔ pe kulaa mohu ji kaa nyɛɛ fiɛ Mawu sɛ gbi ɔ. Nɔ nɛ fiɛɔ Mawu sɛ gbi ɔ, e he ngɛ se nami pe nɔ nɛ tuɔ gbi slɔɔtohi; lɛɛ ja nɔ ko ngɛ lejɛ ɔ, nɛ ma nyɛ tsɔɔ nɔ́ nɛ a ngɛ dee ɔ sisi, konɛ asafo ɔ tsuo nɛ na he se.

1 Korintobi 14:13

Lɔ ɔ he ɔ, nɔ nɛ tuɔ gbi slɔɔtohi ɔ, é sɔle, nɛ a ha lɛ he wami nɛ e kɛ tsɔɔ nɔ́ nɛ e ngɛ dee ɔ sisi.