1 Korintobi 14:1 - BAIBLO ALOO NGMAMI KLƆUKLƆU Ɔ

¹ Lɔ ɔ he ɔ, nyɛɛ bɔ suɔmi he mɔde pe nɔ́ tsuaa nɔ́. Nyɛɛ di mumi mi nike níhi a se, titli ɔ, Mawu sɛ gbi ɔ fiɛmi.

Somi He Ɔ

¹ Nyɛɛ di suɔmi se. Nyɛ hɛ nɛ dɔ ngɛ mumi mi nihi a he, se titli ɔ, gbami.

1 Korintobi 14:1 ပူးပေါင်းရင်းမြစ်များ

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.

Abɛ Womi 21:21

Nɔ nɛ yeɔ dami sane, nɛ e naa mɔbɔ ɔ, e se kɛɛ ngɛ je mi, nɛ a maa wo e hɛ mi nyami.

Yesaya 51:1

Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

Romabi 12:6

Lɔ ɔ he ɔ, nike ní slɔɔtohi nɛ Mawu kɛ dloo wɔ ɔ, e sa kaa wa tsu a he ní saminya. Ke gbami ji wa nike ní ɔ, nyɛ ha waa ngɔ hemi kɛ yemi nɛ Mawu ha wɔ ɔ kɛ tsu he ní.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

Romabi 9:30

Lɛɛ kɛ wa ma de kɛɛ? Ma je li ɔmɛ nɛ jinɛ a, kaa a bu mɛ nihi nɛ da a, a bu mɛ ni nɛ da ejakaa a he Mawu ye.

1 Korintobi 12:1

Ye nyɛmimɛ! Jehanɛ lɛɛ i suɔ kaa i kɛ nyɛ maa tu munyu ngɛ nike níhi nɛ jeɔ Mumi Klɔuklɔu ɔ ngɔ ɔ a he. I suɔ kaa nyɛɛ le anɔkuale ɔ nɛ kɔɔ ní nɛ ɔmɛ a he.

1 Korintobi 12:31

Lɔ ɔ he ɔ, nyɛɛ bɔ nike níhi nɛ a he jua wa a a he mɔde. Se nɔ́ nɛ hi pe lɛ tsuo ji nɛ ɔ nɛ.

1 Korintobi 13:13

Amlɔ nɛ ɔ, ní etɛ nɛ ɔmɛ nɛ ngɛ: hemi kɛ yemi, hɛ kɛ nɔ fɔmi, kɛ suɔmi. Se nɔ́ nɛ pe mɛ tsuo ji suɔmi.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

1 Korintobi 14:22

Lɔ ɔ he ɔ, gbi slɔɔtohi a tumi ji okadi kɛ ha nihi nɛ he we yi, pi ni nɛmɛ nɛ heɔ yeɔ. Sane kpakpa a fiɛmi lɛɛ nihi nɛ heɔ yeɔ ɔ a we okadi ji lɔ ɔ nɛ, pi ni nɛmɛ nɛ he we yi.

1 Korintobi 14:37

Ke e peeɔ nɔ ko kaa gbalɔ ji lɛ, aloo kaa e ngɛ mumi mi nike ní ko ɔ, e na nɛ e le kaa níhi nɛ i ngɛ nyɛ ngmae nɛ ɔ, Nyɔmtsɛ ɔ biɛ mi i ngɛ ngmae ngɛ.

1 Korintobi 14:39

Lɔ ɔ he ɔ, ye nyɛmimɛ, nyɛ hɛ nɛ dɔ ngɛ Mawu sɛ gbi ɔ fiɛmi he, se kɛ̃ ɔ, nyɛ ko tsi gbi slɔɔtohi a tumi nya.

1 Korintobi 16:14

Nyɛɛ kɛ suɔmi nɛ pee nɔ́ tsuaa nɔ́.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

1 Tesalonikabi 5:20

Nyɛ kó ha gbali ɔmɛ a sɛ gbi nɛ pee nyɛ tai.

1 Timoteo 4:14

Mumi mi níhi nɛ Mawu kɛ dloo mo kɛ gu gbali ɔmɛ a nɔ benɛ asafo nikɔtɔma amɛ ngɔ a nine kɛ pue o yi mi ɔ, yaa nɔ nɛ o tsu a he ní daa.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

2 Petro 1:7

nyɛɛ ngɔ nyɛmi peemi ngɔ piɛ Mawu gbeye yemi ɔ he, nɛ nyɛɛ ngɔ suɔmi ngɔ piɛ nyɛmi peemi ɔ he.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.

Samuel I, 10:5

Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.