1 Korintobi 13:9 - BAIBLO ALOO NGMAMI KLƆUKLƆU Ɔ

⁹ Ejakaa ní nɛ wa le ɔ, wa li kɛ pi si; fiɛmi nɛ wa fiɛɔ hu, fa kɛ fa kɛkɛ.

Somi He Ɔ

⁹ Ejakaa wa ni nɛ wa le ɔ, fã kɛ fã ʼi, nɛ wa gbami hu fa kɛ fa ʼi.

1 Korintobi 13:9 ပူးပေါင်းရင်းမြစ်များ

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

La 139:6

Bɔ nɛ o le mi fitsofitso ɔ ngɛ nyakpɛ tsɔ. Nile nɛ ɔ mi kuɔ pe bɔ nɛ ma nyɛ ma nu sisi.

La 40:5

Yawɛ, ye Mawu! O tsu nyakpɛ ní babauu ha wɔ; o to yi mi kpakpa babauu ngɛ wa he; mɛnɔ po kɛ mo sɔ? Ke i ke ma tu ní nɛ ɔmɛ tsuo a he munyu ɔ, i be nyɛe; ejakaa a he hiɛ tsɔ.

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Romabi 11:34

Kaa bɔ nɛ ngmami ɔ deɔ ɔ, “Mɛnɔ lɛ le Nyɔmtsɛ ɔ juɛmi, aloo mɛnɔ lɛ wo lɛ ga hyɛ?

1 Korintobi 13:10

Se ke nɔ́ nɛ hi kɛ pi si ɔ ba a, lɔ ɔ lɛɛ nɔ́ nɛ ji fa kɛ fa a maa laa.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

1 Korintobi 2:9

Se, kaa bɔ nɛ a ngma a, “Nɔ́ nɛ hɛngmɛ nɛ́ hyɛ, Nɔ́ nɛ tue nui hyɛ, Nɔ́ nɛ adesa ko juɛmi sui he ɔ, Lɔ ɔ nɔuu Mawu dla ngɔ to nihi nɛ suɔ lɛ.”

1 Korintobi 8:2

Ke nɔ ko susu kaa e le ní ɔ, he nɛ sa kaa e su loko a tsɛ lɛ ní lelɔ ɔ, e sui lejɛ ɔ saasaa.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.