1 Korintobi 13:8 - BAIBLO ALOO NGMAMI KLƆUKLƆU Ɔ

⁸ Suɔmi se pui gblegbleegble. Se mumi mi nike níhi kaa Mawu munyu ɔ fiɛmi, kɛ gbi slɔɔtohi tumi, kɛ nile lɛɛ a se maa po ligbi ko.

Somi He Ɔ

⁸ Suɔmi se pui gblegbleegblee. Se ke gbamihi ʼi ɔ, a se maa po; ke munyuhi slɔɔtohi a tumi ʼi ɔ, a maa jɔɔ; ke ni lemi ʼi ɔ, e se maa po.

1 Korintobi 13:8 ပူးပေါင်းရင်းမြစ်များ

Yeremia 49:7

Bɔ nɛ Yawɛ Tabohiatsɛ ɔ de ngɛ Edom he ji nɛ ɔ nɛ: “Anɛ Edom bi ɔmɛ a juɛmi ɔ ta lo? Anɛ a ga woli ɔmɛ wui mɛ ga hu lo? Anɛ a nile ɔ se po lo?

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.

Ni Tsumi 19:6

Paulo kɛ e nine pue a nɔ, kɛkɛ nɛ a na Mumi Klɔuklɔu ɔ. A tu munyu ngɛ gbihi nɛ a nui mi, nɛ a fiɛ Mawu sɛ gbi ɔ.

Ni Tsumi 2:4

Mumi Klɔuklɔu ɔ ba mɛ tsuo a nɔ saminya, nɛ a bɔni gbi slɔɔtoslɔɔtohi tumi ngɛ Mumi Klɔuklɔu ɔ he wami nya.

1 Korintobi 12:10

Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.

1 Korintobi 13:10

Se ke nɔ́ nɛ hi kɛ pi si ɔ ba a, lɔ ɔ lɛɛ nɔ́ nɛ ji fa kɛ fa a maa laa.

1 Korintobi 13:13

Amlɔ nɛ ɔ, ní etɛ nɛ ɔmɛ nɛ ngɛ: hemi kɛ yemi, hɛ kɛ nɔ fɔmi, kɛ suɔmi. Se nɔ́ nɛ pe mɛ tsuo ji suɔmi.

1 Korintobi 14:39

Lɔ ɔ he ɔ, ye nyɛmimɛ, nyɛ hɛ nɛ dɔ ngɛ Mawu sɛ gbi ɔ fiɛmi he, se kɛ̃ ɔ, nyɛ ko tsi gbi slɔɔtohi a tumi nya.

1 Korintobi 8:2

Ke nɔ ko susu kaa e le ní ɔ, he nɛ sa kaa e su loko a tsɛ lɛ ní lelɔ ɔ, e sui lejɛ ɔ saasaa.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Hebribi 8:13

Ke Mawu ngɛ somi he he munyu tue ɔ, lɛɛ e ngɛ tsɔɔe kaa kekleekle somi ɔ wo momo. Jehanɛ hu, nɔ́ tsuaa nɔ́ nɛ wo momo, loo e bwɔ ɔ, e be kɛe nɛ e maa laa.