1 Korintobi 13:7 - BAIBLO ALOO NGMAMI KLƆUKLƆU Ɔ

⁷ Suɔmi haa nɔ toɔ tsui si ngɛ nɔ́ tsuaa nɔ́ mi. E haa nɔ heɔ nɔ tsuaa nɔ́ yeɔ; e ngɔɔ e hɛ ngɔ fɔɔ Mawu nɔ, nɛ e miaa e hɛ mi ngɛ níhi tsuo mi.

Somi He Ɔ

⁷ Suɔmi maa e nya ngɛ nihi kulaa mi, e heɔ nihi kulaa yeɔ, e ngɛ hɛ kɛ nɔ fɔmi, e miaa e hɛ mi ngɛ nihi kulaa mi.

1 Korintobi 13:7 ပူးပေါင်းရင်းမြစ်များ

Mose I, 29:20

Yakob tsu ní jeha kpaago konɛ e kɛ na he blɔ nɛ e ngɔ Rahel. Se suɔmi nɛ e ngɛ kɛ ha Rahel he je ɔ, jeha kpaago ɔ be nɛ e pee lɛ kaa ligbi bɔɔ kɛkɛ.

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

La 119:66

Ha mi juɛmi, kɛ nile; ejakaa i he o mlaa a ye.

Abɛ Womi 10:12

Ninyɛ woɔ pɛ; se suɔmi haa tɔmihi tsuo a nɔ.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Marko 9:23

Yesu de lɛ ke, “O ngɛ dee ke, Ke o ma nyɛ, pi jã a? A ma nyɛ pee nɔ́ tsuaa nɔ́ ha nɔ nɛ heɔ yeɔ ɔ!”

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Romabi 8:24

Wa ngɔ wa hɛ ngɔ fɔ Mawu nɔ, lɔ ɔ he nɛ a he wa yi wami ɔ nɛ. Se ke nɔ́ nɛ wa ngɔ wa hɛ kɛ fɔ nɔ ɔ su wa dɛ momo ɔ, lɛɛ lɔ ɔ pi hɛ kɛ nɔ fɔmi nitsɛ. Nɔ́ nɛ wa nine su nɔ momo ɔ, anɛ wa hyɛɔ blɔ ekohu lo?

1 Korintobi 13:4

Suɔmi toɔ e tsui si, nɛ e mi mi hi. Suɔmi hɛ kɔɛ; e fĩɛ, nɛ e pee we pupuupu.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Mose V, 1:9

Mose de Israel ma a ke, “Jamɛ a be ɔ mi, benɛ wa ngɛ Sinai yo ɔ he ɔ, i de nyɛ ke, ‘Imi nɔ kake, i be nyɛ nɔ nyɛe ma hyɛ hu;

Mose V, 22:27

Nyumu ɔ ya nu yiheyo nɛ a bi e si ɔ ngɛ nga mi, nɛ eko ɔ e kpa ngmlaa lɛɛ, se nɔ ko be nɛ ma ba je ngmlaa ha lɛ.

2 Tesalonikabi 1:4

Wɔ nitsɛmɛ wa fĩaa fɔɔ nyɛ nɔ ngɛ Mawu asafo ɔmɛ a mi kaa nyɛ ngɛ hemi kɛ yemi nɛ mi wa. Ejakaa be mi nɛ a ngɛ nyɛ yi mi wae, nɛ nyɛ ngɛ nɔ́ nae ɔ, nyɛ to nyɛ tsui si, nɛ nyɛ mia nyɛ hɛ mi kɛ ngɛ ní nɛ ɔmɛ tsuo a mi gblee.

2 Timoteo 2:24

Nyɔmtsɛ ɔ sɔmɔlɔ ɔ, e sɛ́ kaa e pɛɔ, mohu ɔ, e mi nɛ jɔ ha nɔ tsuaa nɔ; e pee ní tsɔɔlɔ kpakpa nɛ toɔ e tsui si.

2 Timoteo 3:11

O le bɔ nɛ a wa mi yi mi, kɛ bɔ nɛ i na nɔ́. O le níhi nɛ ba ye nɔ ngɛ Antiokia, Ikonium, kɛ Listra; o le bɔ nɛ a tua mi wawɛɛ ngɛ lejɛ ɔmɛ; se Nyɔmtsɛ ɔ je mi kɛ je ní ɔmɛ tsuo a mi.

2 Timoteo 4:5

Se moo lɛɛ, o hɛ nɛ ka si be tsuaa be. Ke o ngɛ nɔ́ nae ɔ, to o tsui si. Bɔɔ sane kpakpa a fiɛmi he mɔde wawɛɛ, konɛ o pee Mawu sɔmɔlɔ kpakpa.

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.