1 Korintobi 13:11 - BAIBLO ALOO NGMAMI KLƆUKLƆU Ɔ

¹¹ Benɛ i ji jokuɛyo ɔ, i tuɔ munyu kaa jokuɛyo, i juɛɔ kaa jokuɛyo, nɛ i susuɔ kaa jokuɛyo. Se benɛ i ba wa a, i kpa jokuɛwi a ní peemi.

Somi He Ɔ

¹¹ Benɛ i ji bimwɔyo ɔ, i tuɔ munyu kaa bimwɔyo, i juɛɛ ni a he kaa bimwɔyo, i susuu kaa bimwɔyo; se benɛ i ba plɛ nyumu nɔkɔtɔma a, i sake bimwɔwi a ni ɔmɛ ngɔ pue se.

1 Korintobi 13:11 ပူးပေါင်းရင်းမြစ်များ

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Galatabi 4:1

Nɔ́ nɛ i ngɛ tsɔɔe ɔ ji kaa bi nɛ maa ye e tsɛ ní hwɔɔ se ɔ, amlɔ nɛ ɔ nɛ e wɛ lolo ɔ, slɔɔto ko be e kɛ nyɔguɛ a kpɛti, pohu lɛ ji gbosi ní ɔ tsuo yelɔ.

Fiɛlɔ 11:10

Lɔ ɔ he ɔ, nyɛ ko ye tsui, nɛ nyɛ ko hao; ejakaa jokuɛwi a si, kɛ nihe be ɔ tsuo yaka.

Samuel I, 3:7

Jamɛ a be ɔ, Samuel li Yawɛ lolo; ejakaa Yawɛ kɛ lɛ tui munyu hyɛ.

Mateo 16:7

Se a tu he munyu ngɛ a kpɛti ke, “E de jã, ejakaa wa hɛɛ we niye ní kɛ bɛ!”

1 Korintobi 13:10

Se ke nɔ́ nɛ hi kɛ pi si ɔ ba a, lɔ ɔ lɛɛ nɔ́ nɛ ji fa kɛ fa a maa laa.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.