1 Korintobi 12:8 - BAIBLO ALOO NGMAMI KLƆUKLƆU Ɔ

⁸ Mawu mumi ɔ haa nɔ ko he wami nɛ e kɛ tuɔ munyu nɛ juɛmi ngɛ mi. Jamɛ a mumi ɔ nɔuu haa nɔ kpa hu he wami nɛ e kɛ tuɔ munyu nɛ sisi numi ngɛ mi.

Somi He Ɔ

⁸ Mumi ɔ haa nɔ ko ni lemi munyu; nɛ nɔ ko hu jamɛ a Mumi ɔ nɔuu haa lɛ nihi a sisi nami he ni lemi.

1 Korintobi 12:8 ပူးပေါင်းရင်းမြစ်များ

Nehemia 9:20

O ha nɛ o mumi kpakpa a tsɔɔ mɛ ní, nɛ o ha mɛ a nya mi ngma, kɛ nyu nɛ a nu.

Hiob 32:8

Se, Mawu Ope mumi ɔ nɛ ngɛ nɔmlɔ adesa mi ɔ, lɛ nɛ e haa nɔmlɔ nile.

La 143:10

Moo tsɔɔ mi nɛ ma pee nɔ́ nɛ o suɔ; ejakaa mo ji ye Mawu. Ha nɛ o mumi kpakpa a nɛ tsɔɔ mi blɔ nɛ hi, nɛ e nɔ jɔ.

Mose II, 31:3

nɛ i ngɔ mumi mi nike ní babauu ngɔ ha lɛ. I dloo lɛ ga ní tsumi he juɛmi, kɛ nile ha ga ní tsumi slɔɔtohi tsuo,

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Ni Tsumi 6:3

Lɔ ɔ he ɔ, wa nyɛmimɛ, nyɛɛ hla nyɛ kpɛti ni kpaago, nihi nɛ ngɛ biɛ kpakpa; nihi nɛ Mumi Klɔuklɔu ɔ hyi mɛ tɔ, nɛ a le ní hulɔ, konɛ waa ngɔ mɛ ngɔ to ní tsumi nɛ ɔ nya.

Romabi 15:14

Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 1:5

Ejakaa nyɛ ya hɛ mi ngɛ nɔ́ tsuaa nɔ́ mi, munyu tumi jio, nile jio.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

1 Korintobi 13:8

Suɔmi se pui gblegbleegble. Se mumi mi nike níhi kaa Mawu munyu ɔ fiɛmi, kɛ gbi slɔɔtohi tumi, kɛ nile lɛɛ a se maa po ligbi ko.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

1 Korintobi 14:6

Lɔ ɔ he ɔ, ye nyɛmimɛ, ke i ba nyɛ ngɔ nɛ i ba ngɛ gbi slɔɔtohi tue ɔ, nyɛ ma na he se ko lo? Dɛbi! Ja i ngɔ nɔ́ ko nɛ Mawu je tsɔɔ mi ba ha nyɛ; ja i ngɔ nile, loo sɛ gbi pɔtɛɛ, loo tsɔɔmi ko ba ha nyɛ.

1 Korintobi 2:11

Adesa nitsɛ e mumi nɛ ngɛ e mi ɔ pɛ lɛ le bɔ nɛ lɛ adesa a ngɛ ha. Jã kɛ̃, Mawu mumi ɔ pɛ lɛ le bɔ nɛ Mawu ngɛ ha.

1 Korintobi 2:16

Kaa bɔ nɛ a ngma a, “Mɛnɔ lɛ le Nyɔmtsɛ ɔ juɛmi, nɛ e maa wo lɛ ga?” Wɔɔ lɛɛ bɔ nɛ Kristo susuu e yi mi ɔ, jã wɔ hu wa susuu wa yi mi.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 11:6

Ke i li munyu tumi tete po, lɔ ɔ tsɔɔ we kaa i li nɔ́ ko nɔ́ ko. Nɔ́ nɛ i ngɛ dee nɛ ɔ, nyɛ nitsɛmɛ nyɛ le, ejakaa wa ye he odase si abɔ ngɔ tsɔɔ nyɛ.

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

2 Korintobi 6:6

Waa kɛ subai kpakpa, nile nɛ mi kuɔ, tsui si tomi, mi mi himi, klɔuklɔu peemi ngɛ mumi mi, anɔkuale suɔmi,

2 Korintobi 8:7

Nyɛ ngɛ ni kpa amɛ a hɛ mi kulaa ngɛ nɔ́ tsuaa nɔ́ mi, hemi kɛ yemi ngɛ Kristo mi, munyu tumi, anɔkuale ɔ lemi, hɛdɔ kɛ ha sɔmɔmi, kɛ suɔmi nɛ nyɛ ngɛ kɛ ha wɔ. Lɔ ɔ he ɔ, kikɛmɛ a ní tsumi nɛ nyɛ ngɛ tsue kɛ je nyɛ tsui mi ɔ hu, nyɛɛ hyɛ konɛ nyɛɛ be ni kpa amɛ a he jã nɔuu.