1 Korintobi 12:3 - BAIBLO ALOO NGMAMI KLƆUKLƆU Ɔ

³ I ngɛ hae nɛ nyɛɛ le kaa nɔ nɛ Mawu mumi ɔ ngɛ e mi ɔ, e de we ke, “A gbiɛ Yesu.” Jã kɛ̃ nɔ ko be nyɛe ma de ke, “Yesu ji Nyɔmtsɛ” hulɔ kaa ja Mumi Klɔuklɔu ɔ tsɔɔ lɛ blɔ.

Somi He Ɔ

³ Lɔ ɔ he ɔ, i ngɛ hae nɛ nyɛɛ le kaa, nɔ nɛ tuɔ munyu ngɛ Mawu mumi mi ɔ, de we ke Yesu ɔ musutsɛ ji lɛ, nɛ nɔ ko be nyɛe ma de ke Yesu ji Nyɔmtsɛ hulɔ, kaa ja Mumi Klɔuklɔu ɔ kpaka lɛ.

1 Korintobi 12:3 ပူးပေါင်းရင်းမြစ်များ

La 109:20

Yawɛ, ye he nyɛli, kɛ nihi tsuo nɛ tuɔ munyu kɛ siɔ mi ɔ, wo mɛ hiɔ kikɛ nɛ ɔ nɔuu.

Mateo 22:43

Yesu bi mɛ ke, “Mɛni he je mɔ nɛ mumi ɔ ba David nɔ, nɛ e tsɛ lɛ ‘Nyɔmtsɛ’ ɔ? David ke,

Marko 9:39

Se Yesu ke, “Nyɛ ko tsi lɛ blɔ, ejakaa nɔ ko be nyɛe nɛ e kɛ ye biɛ ma tsu nyakpɛ ní nɛ amlɔ nɔuu ɔ e maa tu ye he munyu yayami.

Yohane 13:13

Tse nyɛ tsɛɔ mi Tsɔɔlɔ, nɛ nyɛ tsɛɔ mi Nyɔmtsɛ hulɔ! Saminya, e ngɛ mi jã.

Yohane 13:14

Jehanɛ ɔ, imi nyɛ Nyɔmtsɛ, kɛ nyɛ Tsɔɔlɔ ɔ, ke i fɔ nyɛ nane he ɔ, e sa kaa nyɛ hu nyɛ fɔ nyɛ sibi a nane he.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

Ni Tsumi 8:37

Filipo de lɛ ke, “Ke o heɔ yeɔ kɛ o tsui tsuo ɔ, lɛɛ blɔ ngɛ he faa.” E he nɔ ke, “I heɔ yeɔ kaa Yesu Krsito ji Mawu Bi ɔ nɛ.”]

Romabi 10:9

Ke o kɛ o nya jaje ke “Yesu Kristo ji Nyɔmtsɛ,” nɛ o he ye ngɛ o tsui mi kaa Mawu tle lɛ si kɛ je gbeje ɔ, a ma he o yi wami.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Mose V, 21:23

ko ha nɛ e hi tso ɔ nɔ nɛ je nɛ na yi. A pu lɛ jamɛ a ligbi ɔ kɛ̃; ejakaa nɔ gbogboe nɛ bɛle si ngɛ tso nɔ ɔ kɛ Mawu gbiɛmi baa zugba a nɔ. Moo pu gbogboe ɔ, bɔ nɛ pee nɛ o ko ble zugba a nɛ Yawɛ, o Mawu ɔ ngɛ mo hae ɔ.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.