1 Korintobi 12:18 - BAIBLO ALOO NGMAMI KLƆUKLƆU Ɔ

¹⁸ Se kaa bɔ nɛ wa le ɔ, Mawu to nɔmlɔ tso he ní ɔmɛ tsuo kakaaka ngɔ ma nɔmlɔ tso ɔ he kaa bɔ nɛ e to nɛ a hi ɔ.

Somi He Ɔ

¹⁸ Se jehanɛ Mawu kɛ he nɔ́ tsuaa he nɔ́ ma nɔmlɔ tso ɔ he bɔ nɛ e suɔ.

1 Korintobi 12:18 ပူးပေါင်းရင်းမြစ်များ

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 12:11

Se mumi kake ɔ nɔuu lɛ tsuɔ ní nɛ ɔmɛ tsuo; e haa nɔ tsuaa nɔ nike ní pɔtɛɛ ko kaa bɔ nɛ lɛɛ e suɔ.

Romabi 12:3

I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

1 Korintobi 12:24

Ní nɛmɛ nɛ wa naa daa nɛ ɔ lɛɛ e hia we kaa a pee mɛ jã. Nɛ́ Mawu pee nɔmlɔ tso ɔ, e he ní komɛ nɛ wa susuɔ kaa a he be se nami tsɔ ko ɔ, lɔ ɔmɛ mohu a hɛ mi nyami nɛ e wo pe kulaa.

Luka 10:21

Jamɛ a be ɔ, Mumi Klɔuklɔu ɔ ha Yesu na bua jɔmi, nɛ e de ke, “Tsaatsɛ, hiɔwe kɛ zugba Nyɔmtsɛ, i naa mo si kaa níhi nɛ o ngɔ kɛ laa ní leli ɔ, o je tsɔɔ ni guhi. Ee, Tsaatsɛ, nɔ́ nɛ sa o hɛ mi ɔ, lɔ ɔ o pee ɔ nɛ.

La 135:6

Hiɔwe ɔ jio, zugba a nɔ jio, wo ɔ mi jio, muɔ voovoo ɔmɛ a mi jio, nɔ́ tsuaa nɔ́ nɛ́ Yawɛ suɔ ɔ, lɔ ɔ e peeɔ.

1 Korintobi 15:38

Se Mawu haa jamɛ a wu ɔ tso nɛ lɛ Mawu ɔ suɔ; e haa wu tsuaa wu tso pɛ nɛ hi ha lɛ.

Yona 1:14

Lɔ ɔ he ɔ, a kpa huhui nɛ a de Yawɛ ke, “Yawɛ lee, wa ngɛ mo pɛɛ kpae, ko ha wa hɛ mi nɛ kpata ngɛ nyumu nɛ ɔ wami he, nɛ ko ha waa gbe nɔ ko nɛ yi fɔ, ejakaa wɔɔ lɛɛ wa li he nɔ́ ko! Ejakaa mo Yawɛ lɛɛ nɔ́ nɛ sa o hɛ mi nɛ o peeɔ.”

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”

Efesobi 1:9

kɛ pee níhi tsuo nɛ e to kaa e maa pee ɔ. Laami nɔ́ ko nɛ e to e yi mi momo ke e maa pee kɛ gu Kristo nɔ ɔ, e je tsɔɔ wɔ.

Efesobi 1:5

e pee e yi mi momo kaa kɛ gu Yesu Kristo nɔ ɔ, e maa ngɔ wɔ kɛ pee e bimɛ. Nɔ́ nɛ e suɔ, nɛ e to nɛ e maa pee ji nɛ ɔ nɛ.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Romabi 12:6

Lɔ ɔ he ɔ, nike ní slɔɔtohi nɛ Mawu kɛ dloo wɔ ɔ, e sa kaa wa tsu a he ní saminya. Ke gbami ji wa nike ní ɔ, nyɛ ha waa ngɔ hemi kɛ yemi nɛ Mawu ha wɔ ɔ kɛ tsu he ní.

1 Korintobi 12:17

Ke nɔmlɔ tso ɔ tsuo ji hɛngmɛ ɔ, kɛ e maa pee kɛ nu nɔ́ kɛɛ? Nɛ ke lɛ tsuo ji tue ɔ, kɛ e maa pee kɛ nu nɔ́ he fu kɛɛ?

1 Korintobi 12:19

Ke he ní ɔmɛ tsuo peeɔ he nɔ́ kake too ɔ, lɔ ɔ lɛɛ nɔmlɔ tso ko tsa be si hie!