1 Korintobi 12:16 - BAIBLO ALOO NGMAMI KLƆUKLƆU Ɔ

¹⁶ Nɛ ke tue hu ma de ke, “Akɛnɛ i pi hɛngmɛ he je ɔ, pi nɔmlɔ tso ɔ he nɔ́ ko ji mi” ɔ, lɔ ɔ tsa tsɔɔ we kaa pi nɔmlɔ tso ɔ he ní ɔmɛ eko ji lɛ niinɛ.

Somi He Ɔ

¹⁶ Nɛ ke tue hu ma de ke: “Akɛnɛ i pi hɛngmɛ he je ɔ, i pi nɔmlɔ tso ɔ he ni ɔmɛ eko” ɔ, anɛ enɛ ɔ he je ɔ, e pi nɔmlɔ tso ɔ he ni ɔmɛ eko lo?

1 Korintobi 12:16 ပူးပေါင်းရင်းမြစ်များ

Romabi 12:3

I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

1 Korintobi 12:22

Dɛbi! Nɔmlɔ tso ɔ he níhi nɛ peeɔ wɔ kaa a he wɛ pe kulaa a, mɛ mohu a he hia wɔ titli.

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

1 Korintobi 12:15

Ke nane ma de ke, “Akɛnɛ i pi nine he je ɔ, pi nɔmlɔ tso ɔ he nɔ́ ko ji mi” ɔ, lɔ ɔ tsa tsɔɔ we kaa pi nɔmlɔ tso ɔ he ní ɔmɛ eko ji lɛ niinɛ.

1 Korintobi 12:17

Ke nɔmlɔ tso ɔ tsuo ji hɛngmɛ ɔ, kɛ e maa pee kɛ nu nɔ́ kɛɛ? Nɛ ke lɛ tsuo ji tue ɔ, kɛ e maa pee kɛ nu nɔ́ he fu kɛɛ?