1 Korintobi 12:11 - BAIBLO ALOO NGMAMI KLƆUKLƆU Ɔ

¹¹ Se mumi kake ɔ nɔuu lɛ tsuɔ ní nɛ ɔmɛ tsuo; e haa nɔ tsuaa nɔ nike ní pɔtɛɛ ko kaa bɔ nɛ lɛɛ e suɔ.

Somi He Ɔ

¹¹ Se kikɛmɛ a ni nɛ ɔmɛ kulaa a, Mumi kake ɔ nɔuu lɛ tsuo, nɛ e dlaa ngɔ haa nɔ tsuaa nɔ kakaaka, bɔ nɛ e suɔ.

1 Korintobi 12:11 ပူးပေါင်းရင်းမြစ်များ

1 Korintobi 12:4

Mumi mi nike ní slɔɔtohi lɛ ngɛ, se mumi kake ɔ nɔuu lɛ haa.

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.

2 Korintobi 10:13

Wɔɔ lɛɛ wa maa fĩa kɛ ya ta he ko pɛ; ní tsumi nɛ Mawu ha wɔ nɛ wa ngɛ tsue kɛ ba su nyɛ ngɔ hiɛmɛ nɛ ɔ, lɔ ɔ he wa maa fĩa ngɛ.

Efesobi 4:7

A ha wa ti nɔ tsuaa nɔ dloomi nike ní pɔtɛɛ komɛ kaa bɔ nɛ Kristo dla ngɔ ha wɔ ɔ.

1 Korintobi 12:6

Ní tsumi slɔɔtohi ngɛ, se Mawu kake ɔ nɔuu lɛ haa nɔ tsuaa nɔ he wami nɛ hia lɛ nɛ e kɛ tsuɔ ní.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

1 Korintobi 7:17

Nike ní nɛ Nyɔmtsɛ Yesu ha nɔ ko loko Mawu ba tsɛ lɛ ɔ, é ya nɔ nɛ e tsu he ní kaa bɔ nɛ e peeɔ ɔ. Enɛ ɔ nɛ i tsɔɔ ngɛ asafo ɔmɛ tsuo a mi.

1 Korintobi 7:7

Jinɛ i ko suɔ kaa nihi tsuo nɛ a hi kaa bɔ nɛ i ngɛ nɛ ɔ. Se nyɛ ti nɔ tsuaa nɔ ngɛ nike ní pɔtɛɛ nɛ Mawu ha lɛ; slo nɔ kake nɔ́ ngɛ nɔ kpa nɔ́ he.

Romabi 12:6

Lɔ ɔ he ɔ, nike ní slɔɔtohi nɛ Mawu kɛ dloo wɔ ɔ, e sa kaa wa tsu a he ní saminya. Ke gbami ji wa nike ní ɔ, nyɛ ha waa ngɔ hemi kɛ yemi nɛ Mawu ha wɔ ɔ kɛ tsu he ní.

Romabi 9:18

Lɔ ɔ he ɔ, nɔ nɛ Mawu suɔ kaa e maa na lɛ mɔbɔ ɔ, e naa lɛ mɔbɔ, nɛ nɔ nɛ e suɔ kaa e wa tue ɔ, e haa e waa tue.

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

Yohane 3:27

Yohane he nɔ ke, “Nɔ ko be nyɛe ma na nɔ́ ko kaa ja Mawu ha lɛ.

Yohane 3:8

Kɔɔhiɔ ɔ, e fiaa kɛ yaa he tsuaa he nɛ e suɔ; o nuɔ e fiami ɔ, se he nɛ e je, kɛ he nɛ e yaa lɛɛ o li. Kikɛ nɛ ɔ nɔ tsuaa nɔ nɛ a je Mumi mi fɔ lɛ ɔ ngɛ.”

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Mateo 11:26

Ee, Tsaatsɛ, bɔ nɛ o suɔ kaa e ba mi ji nɛ ɔ nɛ.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

1 Korintobi 12:18

Se kaa bɔ nɛ wa le ɔ, Mawu to nɔmlɔ tso he ní ɔmɛ tsuo kakaaka ngɔ ma nɔmlɔ tso ɔ he kaa bɔ nɛ e to nɛ a hi ɔ.