1 Korintobi 12:10 - BAIBLO ALOO NGMAMI KLƆUKLƆU Ɔ

¹⁰ Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.

Somi He Ɔ

¹⁰ Nɔ ko ɔ, he wami nihi a tsumi; nɔ ko ɔ gbami; nɔ ko hu mumihi a si kpami; nɔ ko hu gbi slɔɔtohi a tumi; nɛ nɔ kpa hu munyuhi a sisi tsɔɔmi.

1 Korintobi 12:10 ပူးပေါင်းရင်းမြစ်များ

1 Korintobi 14:39

Lɔ ɔ he ɔ, ye nyɛmimɛ, nyɛ hɛ nɛ dɔ ngɛ Mawu sɛ gbi ɔ fiɛmi he, se kɛ̃ ɔ, nyɛ ko tsi gbi slɔɔtohi a tumi nya.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Marko 16:17

Ni nɛmɛ nɛ ma he ye ɔ, a ma ha mɛ he wami nɛ a kɛ maa pee nyakpɛ ní nɛ ɔmɛ: a maa hia mumi yayamihi ngɛ ye biɛ mi; a maa tu munyu ngɛ gbi kpahi a mi;

Yoel 2:28

“Pee se ɔ, ma plɛ ye mumi ɔ kɛ pue nɔ tsuaa nɔ nɔ; nyɛ binyumu ɔmɛ kɛ nyɛ biyi ɔmɛ maa fiɛ ye sɛ gbi ɔ; nyɛ nimowi ɔmɛ maa nla nlamihi, nɛ nyɛ nihewi ɔmɛ maa na ninahi.

Galatabi 3:5

Mumi ɔ nɛ Mawu haa nyɛ, kɛ nyakpɛ níhi nɛ e tsuɔ ha nyɛ ɔ, anɛ mlaa a nɔ nɛ nyɛ yeɔ ɔ he je, aloo sane kpakpa a nɛ nyɛ nuɔ nɛ nyɛ heɔ yeɔ ɔ?

Marko 16:20

Kaseli ɔmɛ ho nɛ a ya fiɛ ngɛ he tsuaa he, nɛ Nyɔmtsɛ ɔ kɛ mɛ tsu ní. E ha a pee nyakpɛ níhi babauu kɛ pi munyu ɔ se.] [

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

1 Tesalonikabi 5:20

Nyɛ kó ha gbali ɔmɛ a sɛ gbi nɛ pee nyɛ tai.

1 Korintobi 13:8

Suɔmi se pui gblegbleegble. Se mumi mi nike níhi kaa Mawu munyu ɔ fiɛmi, kɛ gbi slɔɔtohi tumi, kɛ nile lɛɛ a se maa po ligbi ko.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Romabi 12:6

Lɔ ɔ he ɔ, nike ní slɔɔtohi nɛ Mawu kɛ dloo wɔ ɔ, e sa kaa wa tsu a he ní saminya. Ke gbami ji wa nike ní ɔ, nyɛ ha waa ngɔ hemi kɛ yemi nɛ Mawu ha wɔ ɔ kɛ tsu he ní.

Ni Tsumi 19:6

Paulo kɛ e nine pue a nɔ, kɛkɛ nɛ a na Mumi Klɔuklɔu ɔ. A tu munyu ngɛ gbihi nɛ a nui mi, nɛ a fiɛ Mawu sɛ gbi ɔ.

Ni Tsumi 11:28

A ti nɔ ko nɛ a tsɛɛ lɛ Agabo ɔ te da si, nɛ Mumi ɔ ha nɛ e gba nɛ e de ke hwɔ nguaa ko ma ba te si ngɛ je ɔ mi tsuo. Hwɔ ba niinɛ ngɛ Kaisare Klaudio yi nɔ.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Yohane 16:13

Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Yohane 14:12

I ngɛ nyɛ dee anɔkuale mi ke, nɔ tsuaa nɔ nɛ heɔ mi yeɔ ɔ, níhi nɛ i tsuɔ kɛ toɔ okadi ɔ, lɛ hu e ma tsu. Ee, e maa pee níhi nɛ pe enɛ ɔmɛ tete po, ejakaa i je kɛ yaa Tsaatsɛ ngɔ.

Luka 24:49

nɛ ma ha Mumi Klɔuklɔu ɔ maa ba nyɛ nɔ kaa bɔ nɛ Tsaatsɛ wo si ɔ. Se nyɛɛ hi Yerusalem ma a mi kɛ yaa si he wami nɛ je hiɔwe ɔ maa ba nyɛ nɔ.”

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.

Ni Tsumi 11:27

Maa pee jamɛ a be ɔ mi nɔuu ɔ, gbali komɛ je Yerusalem kɛ ba Antiokia.

1 Korintobi 11:4

Lɔ ɔ he ɔ, ke nyumu ngɛ sɔlee, aloo e ngɛ Mawu sɛ gbi ɔ fiɛe, nɛ e kɛ nɔ́ ha e yi nɔ ɔ, e ngɛ Kristo nɛ ji yi ɔ he guɛ gbee.

1 Korintobi 14:13

Lɔ ɔ he ɔ, nɔ nɛ tuɔ gbi slɔɔtohi ɔ, é sɔle, nɛ a ha lɛ he wami nɛ e kɛ tsɔɔ nɔ́ nɛ e ngɛ dee ɔ sisi.