1 Korintobi 11:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, ke nyumu ngɛ sɔlee, aloo e ngɛ Mawu sɛ gbi ɔ fiɛe, nɛ e kɛ nɔ́ ha e yi nɔ ɔ, e ngɛ Kristo nɛ ji yi ɔ he guɛ gbee.

Somi He Ɔ

⁴ Nyumu nɛ sɔlee aloo e gbaa nɛ e kɛ nɔ́ ko haa e yi ɔ nɔ ɔ, e ngɛ e yi ɔ he guɛ gbee.

1 Korintobi 11:4 ပူးပေါင်းရင်းမြစ်များ

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Samuel II, 19:4

Matsɛ ɔ kɛ nɔ́ ha e hɛ mi, nɛ e fo ya boboobo, nɛ e de ke, “Ao ye bi ɔ! Ye bi Absalom! Ye bi Absalom!”

Mika 7:6

Ejakaa be nɛ ɔmɛ a mi ɔ, binyumuhi bui a tsɛmɛ hu; biyihi teɔ si kɛ woɔ a nyɛmɛ, nɛ nganyɛmɛ teɔ si kɛ woɔ nganyɛmɛ. Nɔmlɔ adesa he nyɛli ji lɛ nitsɛ e we mi bi.

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.

1 Korintobi 11:14

Hyɛ, anɛ adebɔ nitsɛ tsɔɔ we nyɛ kaa ke nyumu fia e yi kusuu ɔ, e ngɛ zo lo?

1 Korintobi 11:5

Jã kɛ̃, yo tsuaa yo nɛ ngɛ sɔlee, aloo e ngɛ Mawu sɛ gbi ɔ fiɛe, nɛ e kɛ nɔ́ hɛ́ e yi nɔ ɔ, e huno nɛ ji e yi ɔ hɛ mi si e ngɛ puee ɔ nɛ. Slɔɔto be e kɛ yo nɛ sɛ e yi nɔ a kpɛti.

1 Korintobi 12:10

Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

1 Tesalonikabi 5:20

Nyɛ kó ha gbali ɔmɛ a sɛ gbi nɛ pee nyɛ tai.