1 Korintobi 11:32 - BAIBLO ALOO NGMAMI KLƆUKLƆU Ɔ

³² Se Nyɔmtsɛ ɔ kojoɔ wɔ, nɛ e gblaa wa tue, bɔ nɛ pee nɛ nyagbe ɔ, Mawu nɛ ko bu wɔ fɔ kɛ piɛ je ɔ he.

Somi He Ɔ

³² Se ke a kojo wɔ ɔ, Nyɔmtsɛ ɔ tsɔsemi ʼi, benɛ pee nɛ a ko bu wɔ kɛ je ɔ kulaa fɔ.

1 Korintobi 11:32 ပူးပေါင်းရင်းမြစ်များ

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

La 118:18

Yawɛ gbla ye tue wawɛɛ mohu, se e ha we nɛ ma gbo.

Mose V, 8:5

Nyɛ na nɛ nyɛɛ le kaa bɔ nɛ tsɛ tsɔseɔ e bi ɔ, ja Yawɛ, nyɛ Mawu ɔ ngɛ nyɛ tsɔsee ɔ nɛ.

1 Korintobi 11:30

Enɛ ɔ he nɛ nyɛ ti nihi fuu gbɔjɔ, nɛ a be he wami, nɛ nihi babauu hu gbo ɔ nɛ.

Yeremia 7:28

De mɛ ke ma nɛ ɔ bui imi Yawɛ, a Mawu ɔ; a tue nɛ i gbla a hu a kase we ní kɛ ji mi. Anɔkuale laa pɛsɛpɛsɛ; munyu ‘anɔkuale’ ɔ po nɔ ko pa wui nɔ ta hu.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

Samuel II, 7:14

Ma pee e tsɛ, nɛ e maa pee ye bi. Ke e pee nɔ́ nɛ dɛ ɔ, ma gbla e tue kaa bɔ nɛ tsɛ gblaa e bi tue ɔ.

Romabi 5:16

Jehanɛ ɔ, Mawu nɔke nɔ́ ɔ slo kulaa ngɛ si gbeemi nɛ yayami nɛ Adam pee ɔ kɛ ba a he. Ejakaa nɛ Adam pee yayami ɔ, a kojo lɛ, nɛ a bu lɛ fɔ; se lɔ ɔ se ɔ, yayami babauu nɛ nihi pee ɔ, nɔke nɔ́ ɔ he ɔ, Mawu wo nihi tsuo nguɔ.

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

1 Korintobi 11:31

Se ke wɔ nitsɛmɛ wa maa kojo wa he anɔkuale mi kekle ɔ, Mawu be wa tue gblae.

1 Korintobi 11:33

Lɔ ɔ he ɔ, ye nyɛmimɛ, ke nyɛ nya ba bua, nɛ nyɛ maa ye Nyɔmtsɛ ɔ niye ní ɔ, nyɛɛ mlɛ nyɛ sibi.

1 Timoteo 1:20

A ti ni komɛ ji Himeneo, kɛ Aleksandro. I tu mɛ ngɔ wo Abosiami dɛ mi, konɛ a gbla a tue. Nɔ́ nɛ ɔ ma ha nɛ a ma kpa musu bɔmi munyu tumi.