1 Korintobi 11:30 - BAIBLO ALOO NGMAMI KLƆUKLƆU Ɔ

³⁰ Enɛ ɔ he nɛ nyɛ ti nihi fuu gbɔjɔ, nɛ a be he wami, nɛ nihi babauu hu gbo ɔ nɛ.

Somi He Ɔ

³⁰ Kɔlɔ ɔ he hu nɛ nyɛ ti nihi fuu ngɛ gboe nɛ a he wɛ mɛ, nɛ nihi babauu hu gbo nɛ ɔ nɛ.

1 Korintobi 11:30 ပူးပေါင်းရင်းမြစ်များ

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Mose IV, 20:12

Se Yawɛ de Mose kɛ Aaron ke, “Akɛnɛ hemi kɛ yemi nɛ nyɛ ngɛ kɛ ha mi ɔ pi, bɔ nɛ nyɛ ma nyɛ maa ye ye he wami klɔuklɔu ɔ he odase kɛ tsɔɔ Israel bi ɔmɛ he je ɔ, nyɛ be ma kpekpemi nɛ ɔ hɛ mi nyɛɛe kɛ ya su zugba nɛ i ngɔ ha mɛ ɔ nɔ.”

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

1 Tesalonikabi 4:14

Wa heɔ yeɔ kaa Yesu gbo, nɛ e te si ekohu. Jã kɛ̃, wa heɔ yeɔ kaa ke Yesu ma a, Mawu maa ngɔ nihi nɛ gbo ɔ ngɔ piɛ e he kɛ ba.

Mose IV, 20:24

“Aaron ma gbo, nɛ e nane enyɔ be zugba a nɛ i ngɔ ha Israel ma a nɔ mae; ejakaa nyɛ ni enyɔ ɔmɛ nyɛ tsɔ atuã wo mi ngɛ Meriba nyu ɔ he.

1 Korintobi 15:51

Nyɛɛ bu tue! Anɔkuale laami sane nɛ i ngɛ nyɛ dee nɛ ɔ nɛ. Wɔ tsuo wa be gboe! Se ke nyagbe titimati ɔ pɛ ɔ, a ma tsake wɔ tsuo amlɔ kaa a fiaa hɛngmɛ. Ejakaa ke titimati ɔ pɛ ɔ, ni gbogboe ɔmɛ maa te si, nɛ a be gboe hu gblegbleegble. Nɛ a ma tsake wɔ tsuo.

1 Korintobi 11:32

Se Nyɔmtsɛ ɔ kojoɔ wɔ, nɛ e gblaa wa tue, bɔ nɛ pee nɛ nyagbe ɔ, Mawu nɛ ko bu wɔ fɔ kɛ piɛ je ɔ he.

Ni Tsumi 13:36

David ɔ, benɛ e tsu nɔ́ nɛ Mawu to ha lɛ ke e ba tsu ngɛ e be ɔ mi gbe nya a, e gbo, nɛ a pu lɛ ngɛ he nɛ a pu e nɛmɛ ɔmɛ ngɛ ɔ, nɛ e puɛ.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

1 Korintobi 11:29

Ejakaa nɔ nɛ yeɔ abolo ɔ, nɛ e nuɔ wai ngɛ kplu ɔ mi kɛkɛ, nɛ e susuu we Nyɔmtsɛ ɔ nɔmlɔ tso ɔ he, kɛ nɔ́ nɛ e ji ɔ, Mawu maa gbla e tue.

1 Korintobi 11:31

Se ke wɔ nitsɛmɛ wa maa kojo wa he anɔkuale mi kekle ɔ, Mawu be wa tue gblae.